Piştî hefteyek êrîşên Îranê ya li dijî Îsraîlê Serokwezîrê Îranê Hisên Emir Ebdullahiyan diyar kir ku beriya êrîşê ew Amerîkayê agahdar kirine.
Her wiha Ebdullahiyan anî ziman ev yek bi navbeynkariya Swîsreyê pêk hatiye û ji Amerîkayê re gotine ku piştî operasyonê piştgiriya parastina leşkerî nede Îsraîlê.
Li aliyê din Îranê dîsa hişyarî da Îsraîlê û ragihand ku hêzên wê yên çekdar amade ne her êrîşeke Îsraîlê bişkînin.
Îsraîl û hevalbendên wê di dawiya hefteyê de piraniya roket û balafirên bêmirov ên ku ji aliyê Tehranê ve hatin avêtin xistin xwarê.
Lêbelê, Îsraîl difikire ku divê bersivê bide da ku xwe biparêze.
Îran dibêje ku wê niha ev mijar girtiye, lê eger Îsraîl êrîşeke nû bike dê bersivê bide.
Serokwezîrê Îranê Hisên Emir Ebdullahiyan li New Yorkê ku ji bo beşdarbûna civîna Konseya Ewlehiyê ya Rêxistina Neteweyên Yekbûyî çûbû, bersiva pirsên çapemeniyê da.
Abdullahiyan: Me derbarê êrîşa li ser Îsraîlê de Amerîkayê agahdar kir
Emir Abdullahiyan got,
“Me beriya operasyonê bi eşkere ji Amerîkayê re gotibû ku em ê baregeh û berjewendiyên Amerîkayê yên li herêmê hedef negirin, bi şertê ku piştî operasyonê piştgiriya parastina leşkerî nede Îsraîlê.”
Wezîrê Îranê diyar kir ku Swîsre navbeynkariya peywendiyên di navbera her du welatan de kiriye û wiha got:
“Di peyama ku me roja Yekşemê saet 02.30’ê piştî operasyonê li gorî saeta herêmî ji Amerîkayê re şand, me ragihand ku em naxwazin rageşiya li herêmê berfirehtir bibe.”
Reisî: Êrîşa herî biçûk a Îsraîlê dê bibe bersiveke mezin
Îranê ragihand ku hêzên wê yên çekdar amade ne her êrîşeke Îsraîlê bişkînin.
Di dema ku herêm ji bo bersivdana êrîşa Îranê ya Şemiyê ya borî xwe ji bo êrîşeke dijber a Îsraîlê amade dikir, Serokomarê Îranê Îbrahîm Raîsî hişyarî da ku êrîşa herî biçûk a Îsraîlê dê bibe bersiveke mezin û bê rehm.
Di daxuyaniya xwe ya li merasima leşkerî ya salane ya artêşa Îranê de, Reisî anî ziman ku her biçûktirîn pêngava Îsraîlê li dijî welatê wî dê rastî bersiveke tund û bibiryar were.
Fermandarê Giştî yê Artêşa Îranê Abdurrahîm Mûsewî di daxuyaniya xwe ya di merasimê de got:
“Dijmin dev ji pesna bijardeya leşkerî berdaye.”
Musevî: Hêzên Îranê amadeye ku her êrîşeke Îsraîlê bişkînin
Mûsewî diyar kir ku hêzên wan ‘ji bo rûbirûbûna xirabiya muhtemel amade ne’ û hişyarî da, ‘Eger dijmin gavê bavêjin wê bi çekên giran bersivê bidin.’
Her wiha Mûsewî di daxuyaniya xwe de ev tişt anî ziman:
“Her êrîşeke ku berjewendiyên welat ji xwe re bike hedef, wê rastî bersiveke teqez a ku wê poşmaniyê bi xwe re bîne.
Li gorî dijminên ku welat pê re rû bi rû ne, hêzên me bi giştî ji bo erkên xwe bi awayekî herî baş bi cih bînin, her tim hişyar in.”
Amerîka ji bo kêmkirina Ragêşiya Îsraîl û Îranê hevdîtinan pêk tîne
