Di 195 rojan de jî êrîşên artêşa Îsraîlê li dijî Şerîda Xezayê berdewam kir.
Artêşê ku li hin heremên Şerîda Xezayê mîna Xan Yunis, Kampa Nuseyrat a Penaberan û bajarokê Beyt Hanûnê vekişiyane bi balafirên şer van herêman bomberan dikin.
Her wiha êrîşa hewayî ya li dijî Refahê didome ku di êrîşa dawî de 8 Filîstînî hatin kuştin.”
Di 195 rojan de jî li Şerîda Xezayê şer berdewam dike.
Artêşa Îsraîlê piştî vekîşîna Xan Yunisê giraniya xwe daye Refahê.
Ev çend rojin artêşê seranserî Refahê bombebaran dike.
Di êrîşa dawî de jî 8 Filîstinî hatin kuştin.
Her wiha artêşê goristana rojhilat ê Refahê bombebaran kir hejmarek zêde Filîstinî birîndar bûne.
Li gor bîlançoya dawî hejmara windahiyan li Şerîda Xezayê gihiştiye 34 hezar kesan.
Wezareta Tenduristiyê yê Hemasê jî di daxuyaniya xwe de diyar dike piranî kesên hatine kuştin li kolan û di bin xirbeyan de ne
Ku ji ber astengiya artêşa Îsraîlê nikarin destwerdanê bikin û miriyan ji wir rakin.
Artêşa Îsraîlê li heremên başûr ên Xezayê topbaran kir
Li aliyê din ajansa fermî ya Filîstinê WAFA ragihand ku artêşa Îsraîlê başûr, rojavayê başûr û rojhilatê Şerîda Xezayê topbaran kir.
Di êrîşa topbaranê ku li taxa Şêx Aclîn, Til el Hewa û Ez-Zeytinê hatiye kirin hejmarek zêde Filîstinî birîndar bûne.
Ji bilî vê balafirên şer ên Îsraîlê Kampa Penaberan a Eş Şatî û malên li Til Hewayê bombebaran kir.
Li Xan Yunisê di bin xirbeyan de termên 11 kesan hatin derxistin
Her wiha ekîbên parastina sivîl li hin heremên Xan Yunis a başûrê Şerîda Xezayê termên 11 kesan derxistin.
Hat ragihandin ku hîna jî xebatên lêgerîn û rizgarkirinê li Xan Yunisê didomin.
Artêşa îsraîlê ji kampa penaberan a Nuseyratê vekişa
Di dema ku artêşa Îsraîlê hêzên xwe ji Kampa Nuseyrat a Penaberan û bajarokê Beyt Hanûnê yên li navenda Şerîda Xezayê vekişand, êrîşên xwe yên hewayî li dijî bajarê Xezayê zêde kirin.
Piştre jî bi topan û êrîşên hewayî yên tund li bakurê Kampa Nûseyret a li navenda bajarê Xezayê û rojhilatê bajarokê Dêr El-Belahê hatin kirin.
Artêşa Îsraîlê jî ji bajarokê Beyt Hanûnê jî vekişiya, ku zêdetirî 36 saetan bi rêya bejahî derbasî wê derê bûbû.
Hêzên Îsraîlê li Şerîa Rojava gelek Filistînî binçav kirin
Li aliyê din li gorî agahiyên ku ji şahidan hatin girtin, hêzên Îsraîlî di dema serdegirtina li bajarên Nablus û Qelqelya yên li bakurê Şerîeya Rojava de li gelek malan lêgerîn kirin.
Di serdegirtina malan a li Kampa Penaberan a Asker Kadîm û Asker Cedîd a li rojhilatê Nablusê de gelek Filistînî hatin binçavkirin.
Hêzên Îsraîlê bajarokên Hable û Azzun ên li başûr û rojhilatê Qelqeliyayê topbaran kirin.
Leşkerên Îsraîlê jî piştî nîvê şevê li bajarokê Kafer Nîma yê li rojhilatê Ramallahê di serdegirtinan de 6 Filistînî binçav kirin.
