Balafirên Keşfê ya Amerîkayê li ser tengava Taywanê firiyan û balafirên şer ên Çînê jî şopandinê kir.
Amerîka derbarê firînê xwe de anî ziman ku ew li got hiquqa navneteweyî tevgeriyan e.
Ji aliyeke din ve Wezareta Parastina Taywanê ragihand ku ji şeva borî heta vê sibê 10 balafirên leşkerî yên Çînê û 7 keştiyên şer li derdora giravê hatine dîtin.
Hat ragihandin ku balafira keşfê ya girêdayî Hêzên Deryayî yên Amerîkayê li Tengava Taywanê ya ku di navbera Çîn û Taywanê de nakok e difiriya.
Di daxuyaniya Fîloya 7’emîn a Amerîkayê ya li Okyanûsa Pasîfîkê da hat diyarkirin ku balafir li Tengava Taywanê ji qada hewayî ya navneteweyî derbas bû û wiha hat gotin:
“Amerîka li Tengava Taywanê li gor hiqûqa navneteweyî tevgeriya û parast.
Mafên çûn û hatinên hemû welatan û azadiya wan diparêze.”
Di daxuyaniyê de hat destnîşankirin ku leşkerên Amerîkî dê li cihê ku hiquqa navneteweyî destûrê bide bifirin û hat gotin:
“Derbasbûna balafirê di Tengava Taywanê de nîşana pabendbûna Dewletên Yekbûyî yên Amerîkayê ya ji bo têgihîştina azad û vekirî ya Hind-Pasîfîk e.”
Balafirên şer ên Çînê balafirên Amerîkayê şopand
Fermandariya Eniya Rojhilat a artêşa Çînê ku berpirsyariya Taywan û derdora wê ye, ragihand ku balafirên şer ên Çînê derbasbûna balafira Amerîkayê dişopînin.
Di daxuyaniya Çînê de jî hat gotin:
“Leşkerên girêdayî fermandariyê her tim di nobetê de ne û dê bi biryarî serwerî û ewlehiya neteweyî û aştî û aramiya herêmê biparêzin.”
Dema ku Wezareta Parastinê ya Taywanê firînê piştrast kir, diyar kir ku balafir ji bakur ber bi başûr ve Tengava Taywanê derbas kiriye û ti rewşek ne asayî rû nedaye.
Li derdora giravê girêdayî Çînê 10 balafir û 7 keştî hat dîtin
Ji aliyeke din ve Wezareta Parastina Taywanê ragihand ku ji şeva borî heta vê sibê 10 balafirên leşkerî yên Çînê û 7 keştiyên şer li derdora giravê hatine dîtin.
Di daxuyaniya wezaretê de hat diyarkirin ku ji 10 balafiran 4 balafir li herêma ku Taywanê wek “Herêma Nasîna Parastina Hewayî” îlan kiribû firiyan û ji xeta esmanî û behrê ya Taywanê derbas bûn.
Ji dema seredana Seroka berê ya Meclisa Nûneran a Amerîkayê Nancy Pelosi di Tebaxa 2022’yan de, Çînê dewriyeyên balafir û keştiyan li dora Taywanê zêde kir.
Çin Taywanê wek axa xwe dibîne
Taywana ku Çîn îddîa dike ku beşek ji xaka wê ye, ji sala 1949’an û vir ve ku Komara Gel a Çînê ava bû, xwedî serxwebûna fiîlî ye.
Cudabûna di navbera parzemîna Çînê û Taywanê de ku piştî şerê navxweyî derketibû holê hê jî didome.
