Lîderên welatên G7 li ser dayîna 50 milyar dolar deyn ji Ukraynayê re li hevkirin.
Di rewşek ku Ukrayna nekarî vî pereyî bide jî wê, hesabên Rûsya yên hatîn cemidandin weke berdêl were girtin.
Her li Îtalya Serokê DYA Biden û Serokomarê Ukrayna peymanek a hevkariya parastinê ya 10 salan îmze kirin.
7 welatên aboriya wan herî baş careke din bi hewara Ukraynayê de çûn.
Serokên dewlet û hikûmetên welatên endamên G7’ê di civîna du rojî ya Îtalyayê de ji bo alîkariya Ukrayna li hev kirin.
Li gorî vê yekê, 300 milyar dolar ji mal û milkên Rûsyayê yên ku ji aliyê welatên G7 û Yekîtiya Ewropayê ve hatine cemidandin, wê wek kemîn û 50 milyar dolar jî ji bo Kîevê di şer û xebatên jinûve avakirinê de bên bikaranîn.
Serokwezîrê Almanyayê Olaf Scholz lihevkirina ku di lûtkeyê de pêk hatî bi keyfxweşî pêşwazî kir.
Scholz ev yek wek “biryareke dîrokî” bi nav kir û got;
Ev lihevkirin ji Serokê Rûsyayê Vladimir Putin re jî “peyameke zelal” e ku piştgiriya navneteweyî ya ji bo Ukraynayê kêm nabe.
Serokwezîrê Brîtanya Rishi Sunak teqez kir ku ev “pakêta alîkariyê wê rewşa Ukraynayê biguherîne.”
Nûnerek Amerîkî jî anî ziman ku “lihevkirina siyasî di asta herî bilind de” pêk hatiye.
Serokomarê Ukraynayê Volodymyr Zelensky ku ji bo civînên G7 hatibû vexwendin got;
Ew ji lûtkeyê li bendê ne ku biryarên girîng bên dayîn.
Ji aliyê din ve DYA’yê beriya civînên G7’ê li dijî Rûsyayê cezayên nû ragihand.
Kes û şîrketên nû yên ji welatên curbecur, Çîn û Tirkiye jî di nav de, li lîsteya cezayên qerebalix hatin zêdekirin.
Armanca cezayan ew e ku danûstandinên lojîstîk û darayî yên bi Moskowê re tevlihev bikin.
Amerîka û Ukraynayê peymana hevkariya parastinê ya 10 salan îmze kirin
Di vê navberê de, her li Îtalya Serokê Amerîkayê Joe Biden û Serokomarê Ukraynayê Volodymyr Zelensky di çarçoveya peymaneke nû ya hevkariya parastinê ya 10 salî îmze kirin.
Di destpêka civîna çapemeniyê ya hevpar de, lîderan teqezî li ser girîngiya peymanê ji bo ewlehiya NATO û baregeha parastina Ukraynayê kirin.
Biden bal kişand ser wê yekê ku ew dê li dijî êrişên Rûsyayê piştgiriya Ukraynayê bikin.
Zelensky jî ji ber peymana navborî spasiya Amerîkayê kir û got:
Bi vê peymanê hevkariya berevaniyê ya di navbera herdu welatan da wê kûrtir û bikêrtir bibe.
