Artêşa Îsraîlê li başûrê Lubnanê avahiyek 3 qatî kir hedef.
Li gorî agahiyan di êrîşa hewayî ya Îsraîlê de kuştî û birîndar hene.
Li gorî nûçeya ajansa fermî ya Lubnanê NNA û çapemeniya herêmî, balafirên artêşa Îsraîlê li rojhilatê Sûr a bajarê Lubnanê li dijî xaniyekî 3 qatî ya di navbera Dêr Qanûn en Nehr û bajarokê Cannata de êrîşeke hewayî pêk anîn.
Di nûçeyê de ku hat ragihandin ku li gorî agahiyên destpêkê di encama hilweşîna avahiya ku Îsraîlê hedef girtiye de jinek jiyana xwe ji dest daye, 10 sivîl jî birîndar bûne.
Di êrîşa hewayî de kuştî û birîndar hene
Hat diyarkirin ku di encama êrîşê de avahiya 3 qatî bi temamî hilweşiyaye û ji bo rizgarkirina welatiyên avahiyê ambulans û tîmên lêgerîn û rizgarkirinê sewqî cihê bûyerê hatin kirin.
Der barê nasnameya mirî û birîndaran de agahiyên zelal nehatin bidestxistin.
Ji aliyê din ve di daxuyaniya radyoya artêşa Îsraîlê ya têkildarî êrîşê de hat diyarkirin ku balafirên şer ên Îsraîlê avahiyek li bajarokê Cannata yê li başûrê Lubnanê kirin hedef.
