Ji ber xwepêşandanên li Venezuelayê heya niha 2 hezar û 229 kes hatin binçavkirin.
Maduro derbarê rojevê de daxuyanî da û wiha got: “Hêzên ewlehiyê kesên ku zirarê didin mal û milkên giştî û kolanan destwerdanê dikin.”
Serokomarê Venezuelayê Nicolas Maduro diyar kir ku hejmara kesên ku ji ber protestoyên piştî hilbijartina serokomariyê hatin binçavkirin derket 2 hezar û 229’an.
Maduro derbarê rojevê de daxuyanî da û wiha got:
“Hêzên ewlehiyê kesên ku zirarê didin mal û milkên giştî û kolanan destwerdanê dikin.”
Maduro îdia kir ku kesên hatine binçavkirin zirar dane nexweşxane, dibistan, zanîngeh, qereqol, avahiyên şaredariyê û avahiyên partiyan û got:
“Di bûyerên tundiyê de 47 leşker û 59 polîs birîndar bûn û 2 leşker jî jiyana xwe ji dest dan.
Tiştên ku hatiye kirin bê ceza nemîne û adelet pêk were.”
Maduro careke din muxalefetê ji tundiyê sûcdar kir û banga edaletê kir.
Di bûyeran de 24 kesan mirin
Di vê navberê de, li gorî daneyên rêxistina serbixwe ya sivîl ji 29’ê Tîrmehê û vir ve 24 kesan di bûyeran de jiyana xwe ji dest dane.
Ji aliyê din ve seroka muxalefetê Maria Corina Machado di daxuyaniya xwe de ragihand ku wan di hilbijartinên serokomariyê de bi ser ketin û ji artêşê xwest ku rêzê li îradeya gel bigire.
Wezîrê Parastinê yê Venezuelayê Vladîmîr Padrîno Lopez di axaftina xwe ya ji televîzyona dewletê re diyar kir ku ew tundiyê “bi eşkere” red dikin.
Padrîno Lopez ji her kesî xwest ku rêzê li encamên ku ji aliyê Meclîsa Neteweyî ya Hilbijartinê (CNE) ve hatine ragihandin, bigirin.
Lopez tekez kir ku di dema xwepêşandanan de endamên artêş û polîsan rastî gelek êrîşan hatin û destnîşan kir ku ew bi Serokdewlet Maduro yê ku bi dengê gel hat hilbijartin “pir dilsoz” in.
Maduro medyaya civakî bi pêkanîna derbeya sîber tawanbar kir
Her wiha Serokdewletê Venezuelayê Nicolas Maduro sepana medyaya civakî ya Whatsappê ji telefona xwe rakir û anî ziman ku naveroka medyaya civakî “nefret” û “faşîzmê” belav dike û welat perçe dike.
Maduro roja Duşemê di axaftina xwe ya mîtînga li ber Qesra Miraflores a paytext Caracas de got,:
“Ez têkiliya xwe ya bi WhatsAppê re qut dikim.
“WhatsApp ji bo tehdîdkirina Venezuelayê tê bikar anîn û ji ber vê yekê ez WhatsAppê ji têlefona xwe heta hetayê radikim”
Venezuella-Maduro di hilbijartina serokkomariyê de biser ket
