Hemas ji bo agirbestê dixwaze peşniyara Joe Biden pêk were.
Misir, Qeter û Amerîka jî ji Hemas û Îsraîlê daxwaz dike ku di 15’ê Tebaxê de li Qahîre û Dohayê ji bo pevguhertina girtiyan û agirbesta li Xezayê danûstandinan bikin.
Hemas ji navbeynkaran xwest ku planek ji bo bicîhanîna pêşniyara Serokê Amerîkayê Joe Biden ji bo agirbesta li Xezeyê pêşkêş bikin.
Di 8’ê Tebaxê de ji hêla Amerîka, Misir û Qeterê ve daxuyaniyek hevpar hat dayîn.
Di daxuyaniya hevpar de ji Îsraîl û Hamasê hat xwestin ku di 15’ê Tebaxê de li Qahîre û Dohayê ji bo agirbesta li Xezayê û pevguhertina girtiyan ji nû ve dest bi danûstandinan bikin.
Hamasê der barê mijarê de daxuyaniyek da.
Di daxuyaniyê de hat gotin:
“Hem em, hem jî navbeynkariya Misir û Qeterê, mebest û helwesta Îsraîl û hikûmeta Binyamin Netanyahu dizanin.
Tevî vê yekê jî me erênî nêzî pêşniyara dawîn bûn.
Lê belê Îsraîlê di derbarê vê pêşniyarê de şert û mercên nû danî ku di pêvajoya danûstaninê de nehatin diyarkirin.”
Hemas: Pêşniyara biden a ji bo agirbesta li Xezayê were bicîhanîn
Di daxuyaniyê de hat destnîşankirin ku Îsraîl êrîş û qetlîamên xwe yên li dijî gelê Filistînê zêde kir û heta ku lîderê Hamasê Îsmaîl Henîyye qetil kir.
Her wiha hat destnîşankirin, ku ev mebesta rêveberiya Tel Avîvê ya ji bo dewamkirina êrîşan eşkere kir.
Piştî daxuyaniya hevpar a navbeynkaran, hat destnîşankirin ku Îsraîlê di 10’ê Tebaxê de li Dibistana Et-Tabiin a li Taxa Derecê ya Xezeyê qetlîamek pêk anî û di encamê de herî kêm 100 kes mirin û 250 kes jî birîndar bûn.
Hat ragihandin ku Hamasê di gerên berê yên danûstandinan de nermbûn û erênîbûna pêwîst nîşan da.
Di vê çarçoveyê de pêşniyara Biden û biryara 2735 a Konseya Ewlekariyê ya Neteweyên Yekbûyî ya li ser vê mijarê qebûl kir, lê Îsraîl li dijî vê yekê derket.
Di daxuyaniyê de ji navbeynkaran hat xwestin ku li şûna gera nû ya danûstandinan, planek ji bo pêkanîna pêşniyara Biden a agirbestê ku Hemasê qebûl kir, pêşkêş bikin.
Serokê Amerîkayê Joe Biden di 31’ê Gulanê de plana agirbestê ya ji 3 qonaxan pêk tê ragihandibû û bal kişandibû ku ew pêşniyara Îsraîlê ye.
Bi kurtî, di planê de agirbesta her timî, vekişîna Israîlê ji tevahiya Xezayê, berdana dîl û girtiyan, vegerandina koçberên filistînî bo Xezayê, gihandina bênavber û têr a alîkariyên mirovî û jinûve avakirina Xezayê
