Kesên ji êrişan rizgar bûne serpêhateyên xwe vegotin.
Mexdûr ku ji êrişan rizgar bûne eşkere kirin ku ew naxwzin ewlehî li herêmên me pêk were.
Qebîleya El Begera ya li kantona Dêrazorê li dijî êrişên li ser herêmê piştgiriya xwe bi QSD’ê re nîşan da.
Xelkê rojhilatê Dêra Zorê yê xwe ji êrişên leşkerên Hikumeta Şamê û çekdarên Dîfe El Wetenî li ser herêmê xelaskirî, hîna di bin bandora êrişê de ne.
Cemîl Hisên El Hemûd (40) li ber kavil û dîwarên hilweşiyayî li taxeke bajarokê Ebû Hemam behsa wan kêliyan kir:
“Şam weke mitînger nêzî herêmê dibe”
Dema hêzên hikumeta Şamê û çekdarên Dîfa Wetenî top li ser serê me berandin, em di xew de bûn.
Ji ber wê, em bi lez derketin.
Ger me wisa nekiriba, îhtimaleke mezin komkujiyek çêdibû.
Dîsa jî, zarokeke 2 salî ji pişta xwe birîndar bû.”
Ev mala hilweşiyayî jî ya Ebdurehman El Ehmed e.
Ehmed yê li malaxwe ya hilweşiyayî dinêre jî wiha dibêje:
“Rejîmê bi dijwarî taxa me topbaran kir.
Malên me bûn kavil.
Mêr, jin û zarok şehîd û birîndar bûn.”
“Ew naxwazin aştî û ewlehî li herêmên me pêk were”
Piraniya şêniyên li deverên hatine topbarankirin dibêjin “me malên xwe terk kir, xizmên me kuştin, zarokên me tirsandin û ji ber tirsê naxwazin vegerin male”
Li nexweşxaneya bajarok, şervanê bi navê Ebdulqadir El Xilêf ê ku birayê wî El El Xilêf û pismamê wî Ebdulrezaq El Elî di topbaranê de birîndar bûne, got:
“Ji pişt û zikê xwe ve birîndar bûne.
Ew naxwazin aştî û ewlehî li herêmên me pêk were.
Rêjîm wekî hêzeke mêtingeran bi herêmê re mijûl dibe.
Ji ber van helwestên wê bi hezaran koçber bûn û hatin kuştin û hîna jî di vê zîhniyetê de bi israr e.”
Qebîleya El Begara piştgiriya xwe bi QSD’ê re anî ziman
Her wiha Rûspiyên qebîleya El Begera ya Ereb a Kantona Dêra Zorê daxuyaniyek li ser bûyerên dawiyê pêk hatin da.
Di daxuyaniyê de komkujî û êrişên çekdarên Dîfa El Wetenî û hêzên hikumeta Şamê yên li ser kantonê hatin şermezarkirin û got:
“Helwesta me ya li hemberî êrişan zelal e,
Em guhertina rewşa herêmê û destwerdanên li kar û barên wê red dikin.
Li dijî her êrişan em bi QSD û Asayîşê re ne.”
Eşîra Igêdat: Li hember êrişên li dijî Dêra Zorê em ê bi QSD’ê re bin
