Piştî kar û xebata koma destwerdanên destpêkê ya Meclisa Sivîl a Reqayê bi 2 salan, 29 gorên komî hatin dîtin.
Koma destwerdanê 25 gor vekirin û 5 hezar û 700 term jî derxistin.
Piştî rizgarkirina bajarê Reqayê ji çeteyên DAIŞ’ê di Cotmeha 2017an de, koma destwerdana lezgîn term ji kolan û bin kavilan derxistin.
Ev kom-gor li qeraxên Çemê Firat û li bejahî û hindirê bajêr hatin vedîtin.
Her wekî di nava baxçeyên giştî û li hindirê malan de jî hebûn.
Koma destwerdanê ya Melisa Reqayê teqez kir ku 5 hezar û 700 term heya niha hatine derxistin û ji aliyê pispor û bijîjkên dadwerî hatine taqîkirin.