Hêzên Ewlekariya Hundirîn duh 5 jinên DAIŞ’ê yên ji Rûsî tevî 13 zarokên ku hewl dan birevin gitin. Di nava wan Seîde Mewlud Sultan ku reva jinên DAIŞ’î koordîne dikirin jî hebû. Ajansa Hawarê name û dengên qeydkirî yên di telefona Seîda de bidest xist. Tê de rêbazê revandina jinên DAIŞ’î tê xuya kirin.
Hêzên Ewlekariya Hundirîn duh 5 jinên DAIŞ’ê yên ji Rûsî tevî 13 zarokên ku hewl dan birevin gitin.
Di nava wan de, Seîde Sultan Mewlûd ku navbera jinên DAIŞ’î yên li kampê û çeteyên DAIŞ’ê yên li parêzgeha Idlibê de koordîne dikir, hebû.
Ajansa Hawarê hin axaftin û dengên qeydkirî ji telefona Seîde bi dest xistin.
Di axaftin û nameyên ku bi rêya Watas Apê şandine diyar dibe ku, Seîde Sultan Mewlûd bi Ebû El-Haris El-Iraqî ku berpirsê revandina jinan ji kampên Rêveberiya Xweser ber bi herêmên Tirkiyê dagirkirine ve di nava têkiliyan de ye.
Di heman de mê de bi Seîde bi berpirsê malbatên çeteyên DAIŞ’ê yên biyanî yê bi navê Ebû Salih û berpirsê veguhastina jinan yê bi navê Hecî Şakir re diaxive.
Hecî Şakir jî bi rêya erebeya cureya Van H1 ku direvîne.
Ji qeyd û nameyan Seîde eşkere dibe ku çeteyê bi navê Ebû El-Haris ku ji Iraqê ye niha li Idlibê ye û nimreyên telefonê yên tirkî bi kar tîne, her wiha bi fermana berpirsê DAIŞ’ê Ebû Salih tev digere.
Her wiha ji name û dengan diyar dibe ku 3 mêvanxaneyên jinên çeteyên DAIŞ`ê li Bab, Carablus yên Tirkiyê dagirkirine û li Idlibê hene.
Mêvanxaneyek li Tirkiyê bi xwe jî heye, jinên DAIŞ`ê tê de kom dibin heta wan bi çeteyekî DAIŞ`ê re dizewicînin an jî tevgera wan li wê herêmê hêsan dikin.
Seîde Mewlûd Sultan 30 salî ye û diya 5 zaroka ye. hevserê wê yê çete Hesen Yaqûb ji Birîtanya ye û li gorî Seîde niha cem QSD’ê girtiye.
Seîde û hevserê xwe sala 2015’an bi rêya xaka Tirkiyê derbasî Sûriyê bûne û li Baxozê hatin girtin.
Li Kampa Holê ku weke bombeya li ber teqînê tê bi nav kirin zêdetirî 40 hezar malbatên çeteyên DAIŞ`ê yên ji Sûrî, Iraqê û biyaniyan e hene.
