Rojên li mayîna malê ji bo gelek pirtûk-hezan bû derfetek. Di van rojan de gelek kes dema xwe ya li malê bi xwendina pirtûkan re derbas dikin. Meral Çelîk jî li ser hesabê xwe ya medyaya civakî danasîna pirtûkan dike û dibêje: Divê em rojên xwe yên mayîna malê, ji xwe re bikin derfeteke lêgerînê û pirtûkan bixwînin.
Li gelek welatan li dijî pêşîlê-girtina vîrûsa koronayê birayên li malê bimînin, ne-derketina derve hatin raighandin.
Bi vê yekê bi milyonan mirov li djî vîrûsê niha li malê ne.
Gelek kes dema xwe ya li malê bi temaşekirina rêzefîlm, pirtûk-xwendin, pêşxistina hûnera destan û hwd, derbas dikin.
Yek jî wan Meral Çelîk e. Meral di van rojên koronayê de li ser hesaba xwe ya medyaya civakî pêşniyara pirtûkan dike û derbarê naveroka pirtûkan de agahiyan dide pirtûk-hezan.
Meral bal kişand pêvajoya niha û got:
Pêvajoya ku niha Tirkiye têde ye, wekî kaosek nîşan dide û li ser derûniya gel jî bandor bûye.
Aliyekî, welatî ji bo debara xwe li derve dixebitin, aliyekî rewşa girtiyan heye û niha bi mirinê re rûbirû hatin hiştin.
Meral, diyar kir ku niha kesên ku li malê dimînin dikarin dest bi xwendina pirtûkan bikin û weha domand:
Ji ber şert û mercan, an jî zêdebûna kar gelek kes derfeta xwendina pirtûkan ne-dîditin.
Niha her kes li malê dema xwe derbas dikin. Ev tişt ji bo xwendina pirtûkan derfetek e. Mirov dikare bi xwendina pirtûkan derûniya xwe rihetir bike.
Meral dawiyê bi çend hişyariyan got:
Li gorî min di van rojan de xwendina pirtûkên felsefî û dîrokî dê-bêhtir mirovan pêşbixe.
Her wiha xwendina pirtûkên helbestan jî divê tu carî ji me kêm nebin.
Di vê pêvajoyê de pirtûkên deriyê lêpirsînê ji me re vedikin bixwînin û derbasê jiyana xwe bikin.
