Rêvebera Akademiya Şehîd Berçem a Dirbêsiyê, Fatima Keleş diyar kir ku divê civak li hember şêwazê şerê taybet bê perwerdekirin.
Fatima eşkere kir ku dewleta Tirk ji bo pêkanîna armanc û projeyên xwe yên mêtîngeriyê li Rojhilata Navîn û bi taybet li Bakur û Rojhilatê Sûriyê, şerê taybet dimeşîne.
Fatima anî ziman ku dewleta Tirk ciwanan teşwîqî madeyên hişbir û fihûşê dike û hewl dide têkiliya di navbera ciwan û civakê têk bibe.
Rêvebera Akademiya Şehîd Berçem a Dirbêsiyê bang li gelên herêmê, bi taybetî saziyên fikrî kir ku li dijî planên Tirkiyê yên dagirkeriyê dest bidin hev û zanînê di nava ciwan û şêniyan de belav bikin.