“Jin bi têkoşîna xwe bûne xwedî biryar”

Jinên ji pêkhateyên Bakur û Rojhilatê Sûriyê di derbarê pêşketinên di sala 2020’an de û mafê ku Rêveberiya Xweser daye jinan axivîn û gotin: “Di nava Rêveberiya Xweser de hemû pêkhateyan mafê xwe bi dest xistin û bi saya projeya neteweya demokratîk îro jin rola xwe di nava hemû qadên jiyanê de dilîzin.”

Bi salane hêzên desthiladar li ser jinan tundî, kuştin û komkujî dane meşandin.

Tenê ji jinan re sînorek danîne ew jî xizmeta mal û zarokan ne.

Bi avakirina pirojeya neteweya demokratîk û demezrandina Rêveberiya Xweser re jinan xwe nas kirin û mafên xwe bi dest xistin.

Têkildarî mijarê, jinên ji pêkhateyên Bakur û Rojhilatê Sûriyê nerînên xwe anîn ziman.

Bêrûla Yusif li navçeya Tirbêsipiyê dijî û cihê xwe di nava Çand û Hunerê de digire û di heman demê de Endama Desteya Komeleya Xêrxwaziyê ya Suryaniyan ne dibêje:

Bi avabûna Rêveberiya Xweseriya Demokratîk re jin li hemberî civakê hin bend şikandin û bûne pêşengên jinên têkoşer.

Me jî wek Suryan hêzên xwe yên leşkerî ava kirin û di hemû pêngavan de cihê xwe bi awayekî çalak digirin.

Divê em xwedî li destkeftiyên xwe derkevin

Hevseroka Komîteya Kar û Barê Civakî ya bajarê Minbic û gundewarên wê Esmai Remo jî da zanin ku pergala herî baş û serkeftî pergala hevseroketiyê ye, ji ber dema ku biryar bê dayîn divê herdu hevserok biryarê bi hev re bidin û li gor wê biryarê tev bigerin.

Endama Partiya Sûriye Pêşeroj e Hind Daxistian da zanîn ku bi hebûna projeya netewa demokratîk jinan gavên pir mezin avêtin û wiha anî ziman:

Di nava pergala Rêveberiya Xweser de hemû pêkhate bi dilekî rihetî bi zimanê xwe diaxivin û çanda xwe dijîn.

Endam desteya Rêveber a Rêveberiya Sivîl a bajarê Minbiç û Gundewarên wê Nûr Hamîd jî teqez kir ku jinên Bakur û Rojhilatê Sûriyê li hember çeteyên DAIŞ’ê û dijminê jinan têkoşînek pir mezin dan meşandin.

Back to top button