Meclisa Jinan a Bakur û Rojhilatê Sûrî panelke li dar xist

Meclisa Jinan a Bakur û Rojhilatê Sûriyê, roja Şemiyê, bi rêya bernameya ZOOM û bi dirûşmeya”Jin û xebata siyasî” panelek li ser asta Rojhilata Navîn li dar xist û mijara xebat û çalakiya jinan a di qada siyasî de nîqaş kir. Beşdaran diyar kir ku ew wekî jinên Rojhilata Navîn pêwîstiya wan bi eniyeke jinan heye ku parastina mafên wan bikin.

Roja Şemiyê bi diuşmeya “Jin û xebata siyasî” Meclisa jinan a Bakur û Rojhilatê Sûrî, paneleke bi rêya Online li ser asta Rojhilata Navîn li dar xist.

Seroka Desteya Rêveber a MSD’ê, Îlham Ehmed.

Ji Libnanê Endama Meclisa Şêwirmendiya Tevgera Emel Meryem El-Şamî.

Ji Lîbyayê Gerînendeya Nivîsgeha Jinan a Komîteya Neteweyî ya Mafên Mirovan Zahiyê Elî.

Ji Başûrê Kurdistanê Nivîskar, Parêzer û Çalakgera siyasî Sirûc Helebceyî.

û Ji Tunisê Mamosteya Lêkolînên Civakî ya li zanîngeha Tunisî, Emal Qeramî tevlî panelê bûn.

Rêvebirina panelê endama rêveberiya Meclisa jinan a Bakur û Rojhilatê Sûrî Ebîr Hesaf kir.

Ebîr Hesaf: Li hin welatan hîna jî rewşa jinan xirab e

Ebîr têkildarî armanca panelê got:

Panel bi armanca nirxandina rewşa jinan di qada siyasî û astengiyên li pêşbirî wê de derdikevin hat lidarxistin.

Ebîr behsa nirxandina jinan di panelê de kir û ev tişt anî ziman:

Li Tunisê rewşa siyasî ji bo jinan ji welatên din baştir e, nexasim ku karî bandorê li nivîsandina destûrê bike û heta astekê jî nûnertiya jinan kir.

Li welatên din hîn jî rewş hinekî xerabtir e, mînaka wê jî rewşa li Lîbyayê ye, nemaze di qada siyasî de.

Behsa rewşa jinan li Libnanê ya di qada siyasî de jî hat kirin ku di pêvajoya heyî de ji salên borî bêhtir pêşketiye.

“Li Başûrê Kurdistanê rewşa jinan di qada siyasî de lewaz e”

Di nîqaşê de, hat diyarkirin ku rewşa jinê û tevgera wê ya di qada siyasî de, hîna li Iraq û Başûrê Kurdistanê lawaz e.

Ebîr Hesaf da zanîn ku beşdaran behsa tecrûbeya Bakur û Rojhilatê Sûrî kir û weke nimûne destnîşan kir.

Rêvebera Panelan a Meclisa Jinên Bakur û Rojhilatê Sûriyê Ebîr Hesaf herî dawî diyar kir ku pêwîstiya jinên Bakur û Rojhialtê Sûrî bi avakirina eniyeke jinan, da ku deskefteyên xwe biparêzin, heye.

OFîsa Jinê ya TEV-DEM’ê: Em ê li hember van kiryaran yek dest bin

Ofîsa Jinê ya Tevgera Civaka Demokratîk (TEV-DEM) daxuyanî da û diyar kir ku Armanca êrîşên ser pergala jinê ewe ku jinan bitirsînin, da ku ji doza azadiya xwe vegere.

Malbatên Şehîdan a Hesekê li dijî şehîdxistina jinan daxuyanî da

Malbatên şehîdan a Hesekê jî derbarê heman mijarê daxuyanî da û got, emê mîrasa têkoşîna jinên berxwedêr bidomînin.

Li Minbic û Reqayê şehîdxistina jinan hat şermezar kirin

Li bajarê Minbicê jî şehîdxistina her 2 rêveberên Meclisa bajarokê Til El-Şayir hat şermezar kirin û soza şopandina riya wan hat dayîn.

Li bajarê Reqayê jî, Rêveberiya jinê û malbatên şehîdan armac-girtina jinan şermezar kir û banga bilindkirina têkoşînê li jinan kir.

Kongra Star a Şamê, şehîdxistina her du jinan şeremezar kir

Kongra Star a Şamê jî bi daxuyaniyeke çepemeniyê li taxa Zorava şehîdxistina her 2 rêveberên jin şermezar kir û bang li aliyên têkildar kir ku ji komên terorîst hesab bixwazin.

Tevgera Jinên Kurd a li Ewropayê (TJK-E) jî, diyar kir ku ev êrîş li dijî vîna jina azad hate kirin û tê xwestin ku jin bên bêdengkirin.

Back to top button