Jina Êzidî Necla Seîd Ismaîl 7 sal di nava sûc û binpêkirinên hovane yên çeteyên DAIŞ`ê de derbas kir. Necla ku ji DAIŞ`ê hatiye rizgakirin, azarên di dirêjahiya wan salan de kişandiye vegotin û hêvî kir ku tevahiya jinên Êzidî di nav de xwişka wê rizgar bibin.
Di 3`yê Tebaxa 2014`an de çeteyên DAIŞ`ê êrişî Şengal, navçe û gundên girêdayî wê kirin û komkujî li dijî Êzidiyan pêk anîn.
Çeteyan jinên Êzidî revandin û gelek cureyên tundiyê û sûc li dijî wan pêk anîn.
Jina Êzidî Necla Seîd Ismaîl a 23’ê salî ji gundê Til Qeseb ya Şengalê, ji çeteyan hat rizgarkirin.
Necla piştî 7 salan hate rizgarkirin û azarên xwe ji ajansa ANHA`yê re vegotin.
Necla da zanîn ku ew li Şengalê beriya êrişên DAIŞ’ê di nava ewlehiyê de bûn û got:
Ez di dirêjahiya van 7 salan de li gel malbateke ereb ya ji Iraqê mam.
Necla diyar kir ku çeteyan keçên ku temenên wan di navbera 10 û 15 saliyê de ne dibirin û destdirêjî li wan dikirin û wiha domand:
Ez jî ji hovîtiya çeteyan nefilitîm, çeteyan li min dan û digotin, win ji bo çeteyan helal in ku pê re bizewicin.
Gelek keçên Êzidî ji ber sûcên çeteyên DAIŞ`ê xwe kuştin.
Jina Êzidî Necla Seîd Ismaîl dibêje:
Dê, bav, bira, ap û kurê wê ji hêla çeteyên DAIŞ`ê ve hatin revandin, çarenûsa wan heta niha ne diyar e.
Her wiha 4 xwişkên wê jî hatine revandin û çarenûsa yek ji wan heta niha ne diyar e.
Necla di dawiya gotinên xwe de hêvî kir ku tevahiya jinên Êzidî yên di bin destê çeteyên DAIŞ`ê de ne rizgar bibin.
Necla hefteya borî xwe radestî hêzên Asayîşa Jinê ya bajarê Hesekê kir.
Hêzên Asayîşê jî piştî ku nasname û cihê wê nas kir, ew radestî mal Êzidiyan kir ji bo wê bighînin malbata wê.
