Berdevkê Hêzên Sûriya Demokratîk QSD Kîno Gabrîel destnîşan kir ku eger dagirkeriya Tirk balafiran li Eyn Îsayê bikarbînin wê bi hevkariya Rûsyayê be.
Kîno Gabrîel destnîşan kir ku bikaranîna balafiran wê lihevkirinên derbarê parastina xetên eniyan li bakur û Rojhilatê Sûrî bê têk birin.
Kîno Gabrîel destnîşan kir ku dewleta Tirk a dagirker ji bo dagirkirina Eyn Îsayê dixwaze balafirên şer û bêpîlot bi kar bîne û ev planeke nû ya dagirkeriye ye.
Şemiyê, balafirên Tirkiyê, yekem car û piştî dora sal û nîvekê, girtin ser asmanê navçeya Eyn Îsayê û gundê Seyda armanc kir.
Ev yek jî li gel şerê rojane yê bejahî tê û planên dagirkirinê hîna bêhtir eşkere dike.
Berdevkê Hêzên Sûriya Demokratîk (QSD) Kîno Gabrîel, derbarê egeriya bikaranîna dewleta Tirk a dagirker a balfirên şer û bêpîlot di êrîşên li dijî Eyn Îsayê de, ji Bernameya Me’ El-Hedes a Ronahî TV re axivî.
Bikaranîna dewleta Tirk a dagirker a balfirên şer û bêpîlot cara yekê piştî bidawîbûna şerê 2019’an û gihaştina lihevkirinekê bi Amerîka û Rûsayê re, tê wateya bernameyeke nû ya dagirkirinê.
Her wiha ji bo Hêzên Sûriya Demokratîka bi paş de vegerînin û navçeyê radestî hêzên hikûmeta Şamê bikin.
Ev plana Tirkiyê ye, lê ev yek wê di vê pêvajoya niha de pêk nayê.
Kîno Gabrîel: Bikaranîna balafiran wê bi hevkariya Rûsya û Tirkiyê be
Gabrîel texmîn kir ku eger dagirker balafiran bi kar bînin, wê bi hevkariya hêzên Rûsya û Tirkiyê pêk bê.
Hişyarî jî da ku, ev yek jî wê lihevkirinên wan bi Rûsya û Hikûmeta Şamê re têk bibe.
Bikaranîna balafiran ji aliyê Tirkiyê ve, wê lihevkirinên Rûsî-Tirkî û lihevkirina QSD’ bi hikûmeta Şamê re ya parastina xetên eniyên şer, têk bibe.
Kîno Gabrîel: Em ê her ji bo parastina rewa li ber xwe bidin
Berdevkê QSD’ê Kîno Gabrîel teqez kir ku dê her û her QSD’ê di çarçoveya parastina rewa de li ber xwe bide û bê bersiv nemîne.
Em hertim bersiva êrîşên dagirkeriya Tirk û çeteyên wê didin.
Lê di heman demê de em hewl didin rêzdariyê ji lihevkirinên heyî re bigirin.
Em mafên xwe yên parastina rewa di dema êrîşan de pêk tînin.
Ji bo rizgarkinan herêmên dagirkirî û derxistina dagirkeriya Tirk jî, em ne tenê di aliyê leşkerî de, belê di aliyê siyasî de û bi hevkariya Rêveberiya Xweser û MSD’ê xebatê dikin.
