Şêxeşîr û rûspiyên Tebqayê kuştina Şêx Hayis El-Ciriyan ji hêla çeteyên Difaa El-Wetenî şermezar kir û diyar kirin ew ê heta dawî piştgiriya xwe ji Hêzên Ewlehiya Hundirîn û QSD’ê re dewam bikin.
Malbata Şêx Hayis El-Ciriya jî diyar kir ku ew ê xwestekên şehîd Hayis El-Ciriyan bi xurtkirina yekitiya di navbera pêkhateyên Bakur û Rojhilatê Sûriyê de, pêk bînin.
Şêxeşîr û rûspiyên Tebqayê îro li bajarê Tebqayê der barê şehîdxistina Şêx Hayis El-Ciriyan ji hêla çeteyên Difaa El-Wetenî ên bi Hikûmeta Şamê ve daxuyaniyek bi raya giştî re parve kir.
Daxuyanî ji hêla Şêxêşîra El-Welde Hamid Ferec ve hate xwendin.
Di daxuyaniya de hate destnîşankirin ku piştî destketiyên ku li herêmê hatin bidestxistin, pêkanîna hevjiyana aştiyane di navbera pêkhateyan de û têkbrina terorê, hêzên herêmî weke Tirkiya û Îran xwestin bi riya derxistina fitne û tevliheviyê aramiya herêmê têk bibin û biratiya gelan hilweşînin.
Di daxuyaniyê de şehîdxistina Şêx Hayis El-Ciriyan hate şermezarkirin û soza şopandina riya wî heta avakirina Sûriyeke demokratîk nenavendî û pêkanîna projeya neteweya demokratîk hate dayîn.
Şêxeşîr û rûspiyên Tebqayê di dawiya daxuyaniyê de tekez kirin ku e wê piştgiriya xwe ji Hêzên Ewlehiya Hundirîn û QSD’ê re heta dawî dewam bikin .
Malbata Şêx Hayis: Em ê xwestekên Şêx Hayis di xurtkirina yekîtiya pêkhateyan pêk bînin
Di heman çarçoveyê de jî, Birayê Hayis El-Ciriyan, Beyan El-Ciriyan tekez kir ku armanca çeteyên Dîfaa El-Wetenî derxistina nakokiyan e û jêsûdgirtin bû.
Beyan El-Ciriyan destnîşan kir ku ew ê xwestekên şehîd Hayis El-Ciriyan di xurtkirina yekitiya di navera pêkhateyên Bakur û Rojhilatê Sûriyê de, pêk bînin.
Her wiha kurê şehîd Hayis El-Ciriyan, Derar tekez kir ku bavê wî ji destpêka bûyeran de alîkariya gel dikir da ku fitne li herêmê çênebe û diyar kir gelek ku bavê wî gelek hewldan kir da ku tevlîhevî û fitne çênebe û ji sibehê heta êvarê ji bo lihevhatina di navbera gel de dixebitî.
Derar destnîşan kir Îran û Rûsya li pişt vê fitneyê ne, ji ber ew li ser erdê ne û dibînin ku çawa top bi ser şêniyan de dibarin bêyî ku tu tiştî bikin.
Kurê şehîd Hayis El-Ciriyan, Derar El-Ciriyan di dawiyê de got ku Dîfaa El-Wetenî hewl da şerekî kurdî – erebî li herêmê derxîne, lê ji ber ku şêx û rûsipiyên ku dilê wan li ser vî welatî ne hene, ew di vê yekê de bi ser neketin, her wiha tekez kir ku ew ê riya bavê xwe dewam bike.