RJAK’ê bi tevlîbûna 250 delegeyan 5’emîn Kongreya xwe lidar xist

RJAK’ê bi dirûşmeya “Bi perwerde, rêxistin û parastina jinan, azadiya tak û sîstema demokratîk a gel mîsoger dikin” 5’emîn kongreya xwe li darxist.

Rêxistina Jinên Azad ên Kurdistanê (RJAK) di 28’ê Gulanê de li salona Lahey a Kerkûkê bi tevlibûna 250 jinên ku ji Kerkûk, Silêmanî, Hewlêr, Mexmûr, Musil, Şengal û Diyale hatibûn, 5’emîn kongreya xwe li darxist.

Kongre bi dirûşma “Bi perwerde, rêxistin û parastina jinan, azadiya tak û sîstema demokratîk a gel mîsoger dikin” bû. Kongreyê bi deqeyek rêzgirtinê destpêkir.

Peyama komîta amadekar ji aliyê Soma Ferhad ve hate xwendin û got;

Kongreya 4. di 5’ê Çileya 2018’an hat li dar xistin, pêwistdikir ya 5’an di sala 2020’an de bihata li darxistin, lê ji ber rewşa pandemiyê niha hate li darxistin.

Piştre Necîbe Omer axaftina vekirinê kir, kongre li hemû delegeyan pîroz kir û tevahî jinên berxwedanvan û Rêber Apo slav kir û got;

Necîbe destnîşankir ku hemû sîstemên ku hebûn û nasnameya jinê înkar dikin, wê rûbirûyê hilweşandinê bibin û got:

Rojhilata navîn bûye navenda şer û aloziyan. Naveroka hemû şeran, şerê îdeolojiye û desthilatdariyê ye, bi taybet jî li dijî têkoşîna jinan e.

Îdeolojiya jinan, îdeolojiya gele û pişta xwe dispêre nirxên civakê. ”

Piştre perspektifên Rêber Apo û peyama TAJÊ hate xwendin û sinevziyonek ser kar û xebatên RJAK’ê hatin nîşandan.

Endama Meclîsa Îştar a Mexmûrê Fadîle Tok jî peyama Meclîsa Îştarê xwend û got;

Em gelek bextewerin ku xwediyê tevger û rêbertiyek mezinin.Divê jin li nasnameya xwe xwedî derkevin û pêşengtiyê ji avakirina civakek azad û wekhev re bikin.

Piştî axaftinan rapora sê salan a rêxistinê hat xwendin û li ser nîqaş hatin kirin.

Her wiha proje, plansaziya du salan û rêziknameya navxweyî ya RJAK’ê jî hate xwendin û bi piraniya dengan hate pejirandin.

Di dawiyê de jî endamên Encûmena Giştî ya RJAK’ê ku ji 21 kesan pêktên, hatin hilbijartin.

Tê payîn ku di rojên pêş de jî encamnameya kongreyê ji raya giştî re were ragihandin.

Back to top button