Li Îsraîlê serdemek ya hikumeta heyî bidawî dibe. Serokwezîrê Îsraîlê Netanyahû bi serkeftina xwe ya di hilbijartina 23 Adarê de keyfxweş nebû.
Netanyahû nekarî hikumetê avabike û li dijî wî 8 partiyên di warê îdeolojî de ji hev cudane jî hikumetek nû ya koalîsyonê ava kirin. Her çiqasî zêde şansê domandina vê hikumetê xuya neke jî, lê ya tê dîtin deshilata 12 salî ya Netanyahû bidawî dibe.
Zêdeyî 40 rojane, li Îsraîlê hikumeta nû ya di hilbijartinê de ser ketî ne hatiye ragihadin.
Her çiqasî 23 Adarê careke din di hilbijartinê de Serokwezîrê Îsraîlê Benyamîn Netanyahu bi partiya xwe dengên herî zêde qezenc kir jî lê ji bo avkirina hikumetê pêwistiya wî bi koalîsyonê hebû.
Tevî hemû hewildanan Netanyahû nekarî partiyeke din razî bike ku pêre hikumetê ava bike.
Vê yekê rê li ber tevgera mixalîfê vekir û ji bo dawî anîna deshilata 12 salî ya Netanyahû dest bi danûstandinan kirin.
8 partiyên ku xwedî îdeolojî û nêrînên cûda li hev civiyan û koalîsyona hikumeta nû ragiahdnin.
Lîderê Partiya Yesh Atid (Pêşerojek Heye) Yair Lapid ragihand ku wan bi partiyên din yên mixalîf re koalîsyona hikumeta nû eşkere kir.
Ev daxuyaniya Lapid berî bi çend deqe ji dema xelasbûna hatî diyarkirin re hat ragihandin.
Bi vê yekê re pêşî li hilbijartinek nû ya pêşwext pêk hat.
Di nava 2 salên derbasbûyî de, welatiyên Îsraîlê 4 caran çûn ser sindoqan.
Lapid: Em biserketin û wê hevgirtina civaka Îsraîlê xurt bikîn
Lapid mizgîniya avakirina koalîsyona hikumetê bi peyama li ser hesabê xwe yê Twîtterê ragihand.
Li pêşberî Serokomar, ez radigihînim ku min karê damezrandina hikûmetê bi serfirazî qedand. Ez soz didim ku dê hikumet di bin xizmeta hemî hemwelatiyên Îsraîlî yên ku deng dane û yê nedane. Wê ji bo rikberan rêz û ji bo yekgirtin û hevgirtina civaka Îsraîlê tişta ji dest were wê bikin.”
Di peyama xwe ya din de jî Lapid got, “biserketim”.
Bi hatina 8 partiyên mixalîf ya li gel hev re dengê pêwist yê ji 120 kursiyan, 62 digre hate bidestxistin.
Bi erêkirina parlamentoyê re, wê dawî li deshilata 12 salî ya Netanyahû were anîn.
Tê payîn koalîsyona hatî damezirandin 14’ê hezîranê sond bixwe û Netanyahû ji ser kursî daxe.
Li gorî peyamana di navbera partiyan de, her du salên despêkê wê serokê partiya Yamina Naftali Bennett erkê serokwezîrtiyê bimeşêne û 2 salên piştre jî lîderê Partiya Pêşerojek Heye Lapid welat birêve bibe.
