13’ê Îlonê li Tehrana paytexta Îranê jina Kurd Mehsa Emînî (Jîna Emînî) bi hinceta porê wî xuya dike ji aliyê hêzên Îranê ve hate binçavkirin. Mehsa Emînî bi lêdanê, êşkence hate binçavkirin û ew kuştin
Mehsa Emînî bi navê din Jîna Emînî 22 saliye ji bajarê Seqiz ê Rojhilatê Kurdistanê ye.
Jîna li gel malbata xwe ji bo geştekê serdana peytexta Îranê Tehranê dike.
Jîna 13’ê îlonê li Tehranê dema li gel birayê xwe ye ji metroyê peya dibe tê binçavkirin.
Êriş li stasyona metroyê ya bi navê Heqanî pêk tê.
Hêzên îranê bi hinceta porî wî xuyadike serê xwe baş negirtiye dikin bi êşkencê binçavdikin
Kesên li stayonê ji bûyerê re şahidî kirine dazanîn ku hêzên îranê êşkence lê kirine, Mehsa di serê xwe de derb dixwe.
Û êşkenceya hêzên îranê li navenda polîsên Îranê jî didome.
Ji ber êşkence û lêdana zêde Mehsa li ser hişê xwe diçe û wê radikin nexweşxaneyê.
Jîna piştî 3 roj an ku di beşa awarte de dihat dermankirin, di 16’ê îlnê de jiyana xwe ji dest da.
Doktoran diyar kir ku ji ber derb û êşkenceya mezin xwîn çûye li ser mejiyê Mehsayê ji ber wê nikaribûne Mehsa rizgar bikin.
Malbata Jîna li ser mijarê doz li polîsan vekirine.
Piştî bîhîstina wefata Mehsa kurd li rojhilat daketin qadan û desthilata îranê şermezar kirin
hinek deng biherikîne
HRW xwest kuştina jîna Emînî bê lêkolînkirin
Rêxistina Efûya Navneteweyî (HRW) jî têkildarî qetilkirina Jîna Emînî daxuyanî da.
Rêxistinê ragihand ku rewşa ku bûye serdema wefata Jîna Emînî, gumana êşkencekirinê û nêzikatiya ne di cih de digire nava xwe heye û divê li ser bûyerê lêkolîn were kirin.
Rêxistina Efûya Navneteweyî polîsên exlaqî yên Tehranê bi vê yekê sûcdar kir ku Jîna bi awayek hovane binçav kirine û got;
Hemû berpirs û saziyên Îranê yên berpirsên mirina wê divê werin dadgehkirin.
Rêxistina Efûya Navneteweyî ji rayedarên Îranê xwest bi lez qanûna hîcabê biguherînin.
KNK bang li gel kir ku li dijî êrişan derkevin kolanan û nerazîbûn nîşan bidin
Kongreya Neteweyî ya Kurdistanê (KNK) bi daxuyaniyekê qetilkirina Jîna Emînî ya ji aliyê hêzên dewleta Îranê ve bi tundî şermezar kir û got:
“Kuştina Jîna ne tenê binpêkirina mafê mirovan e, hemam demê yasayên rejîmeke dîktator û dirinde dixe ber lêpirsîna exlaqî, yasayî û siyasî.
Berî çend rojan jî nokerekî rejîmê li bajarê Merîwanê xwest destdirêjiyê li ser jineke ciwan bike, wê jî ji bo parastina rûmeta xwe xwe li ser balkona malê avête xwarê û jiyana xwe ji dest da.
KNK’ê sersaxiyê ji malbat, hevrê û xelkê Rojhilatê Kurdistanê xwest û ev bang kir:
Wekî xelkê Saqizê divê her kes keve kolanan û serî hilde.
Bi taybetî jî jin ku rasterast tawanên bi wî rengî li ser wan tên kirin divê bêdeng û bê helwest nebin.”
