Rûsya îdia dike ku haya wan ji êrişê nîne

Dagirkeriya Tirk 19 Mijdarê bi balafirên şer êrişî Rojava kir û gelek dever bombebaran kirin. Piştî 3 rojan ji êrişên ezmanî yên dewleta Tirk yekem daxuyanî ji aliyê Rûsya, DYA, Faransa û Almanyayê derket. Nûnerê Rûsyayê li Sûrî Alexander Lavrentiev ê rê da balafirên dewleta Tirk ku komkujiyê pêk bînin, ji wan daxwaz dike ku hêzeke zêde li Sûriyê bi kar neyîne.

Têkildarî êrişên dewleta Tirk a dagirker li ser Bakur û Rojhilatê Sûriyê, ji DYA, Fransa, Rûsya û Almanyayê daxuyanî derketin.

Nûnerê Rûsî yê Sûriyê idia kir ku agahiya wan ji êrişeke wiha tune ye û ragihand ku wê vê mijarê di civîna Astanayê de gotûbêj bikin.

Lavrentîv ji Tirkiyê re: Hêzeke zêde bi kar neyîne

Tevî ku bêyî destûra Rûsiya tevgera ezmanî ya dewleta Tirk li Bakur û Rojhilatê Sûrî nabe, Lavrentiev dibêje:

“Em ji hevkarên xwe yên Tirk re dibêjin xwe kontrol bikin û ne tenê li Bakurê Sûrî, li tevahiya Sûriyê hêzeke zêde bi kar neyîne.

Nûnerê Rûsyayê li Sûrî idia kir ku pêwîst e xebateke hevpar bi hemû aliyan re were kirin da ku çareseriyeke aştiyane ji doza Kurd re were dîtin.”

Pentagon: Êrişên bi vî rengî têkoşîna li dijî DAIŞ’ê lawaz dike

Li ser navê Pentagonê jî ku diyar kir Wezareta Parastinê li dijî hemû çalakiyên leşkerî ku rewşa Sûriyê bê ewlehî dike daxuyaniyek hat dayîn..

Di daxuyaniyê de tê gotin ku ev êriş gefan li aramnca têkoşîna li dijî DAIŞ’ê dixwe.

Amerîka: Em li dijî çalakiyên leşkerî yên li Irqa û Sûriyê ne

Wezareta Karên Derve ya DYA’yê jî daxuyaniyeke da û got:

“Em bang li Tirkiyeyê dikin ku rageşiya li Sûriyeyê kêm bike.

Fransa: Ne cara yekeme Tirkiye êrişî xak awelatekî din dike

Wezîra Karên Derve ya Fransayê Catherîna Colonna jî got: “Ne cara yekem e ku Tirkiya êrişî dewleteke din dike.

Her carê em fikarên xwe tînin ziman û banga hestiyariyê dikin.

Em fikarên Tirkiyeyê fêm dikin, lê wiha nayên çareserkirin.”

Almanya: Divê Tirkiya rêzê ji hiqûqa navnetewî re bigre

Berdevkê Wezareta Karên Derve ya Almanya Chrîstopher Burger jî bi heman armancê axivî û got: “Em bang li Tirkiyê dikin ku li rêzê ji hiqûa navnetewî re bigre, piştî êrişên Tirkiyê, windahiyên sivîlan gelek fikaran çêdike.”

Seroka Parlamentoya Ewropayê Roberta Metsola ku di vekirina civîna Lijneya Giştî ya PE’yê li bajarê Strasbourg ê Fransayê hate lidarxistin de axivî û got:

êrişên dewleta Tirk dibin sedema xwînrijandinê û em bang li Tirkiyê dikin ku gaveke zêde navêje.

Amerîka: Em banga dawîkirina aloziyê dikin

Her wiha Balyozxaneya Amerîkayê li Şamê jî bêyî ku sûcdar nîşan bide, sersaxî ji malbatên qurbanan re xwest û daxuyaniyek belav kir.

Balyozxaneyê Amerîkayê got: Em bang dikin ku rageşî were rawestandin û parastina sivîlan û binesaziyê berî her tiştî were kirin.