Salvegera 35’emîn a Komkujiya Enfalê

Îro 35 sal bi ser komkujiya Enfalê ku di encamê de 182 hezar Kurd hatibûn qetilkirin re, derbas dibe. Xizmên qurbaniyên enfalê li Çemçemal û Germiyanê danê siharê çûn ser gorên qurbaniyan û nehiştin ti berpirsek hikumet û hizbên siyasî serdana goran bikin. Xizmên qurbaniyan diyarkirin ku hîn jî sucdar nehatine girtin û gotin: “Sucdar ji aliyê hizbên siyasî ve tene parastin.

Îro salvegera 34’emîn a komkujiya Enfalê ye.

Rejîma Be’s a Iraqî di navbera salên 1998-99’an de, li seranserî Başûrê Kurdistanê bi navê Enfalê dest bi êrîşin berfireh kiribû.

Di êrişên Enfalê yên li Dola Cafayetî û Behdînanê de 182 hezar Kurd şehîd bûn

Di êrişên Enfalê yên li Dola Cafayetî û Behdînanê de 182 hezar kurd hatin qetilkirin û şehîd bûn.

Cenazyên Kurdan bi ser hev de hatin binaxkirin.

Hikumeta Başûrê Kurdistanê jî piştî desthilata Sedam têk çû, komgorên Enfalê vekirin.

Li gorî wê heta niha 63 komegor hatine vekirin

Di 18 salên dawiyê de bêhtirî 3 hezar û 730 cenaze hatin derxistin.

Heta niha jî nêzî 179 hezar cenaze nehatine vegerandin

Tevî li ser rêveberiya Hikûmeta Başûrê Kurdistanê re 32 sal derbas dibe jî heta niha nêzî 179 hezar cenaze nehatine vegerandin.

Hikûmeta Başûr Kurdistan û Iraqê hîna berpirsyar ceza nekirine

Her wiha Hikûmeta Başûrê û Iraqê heta niha tu kesên ku di komkujiyê de berpirsiyartiya wan heye ceza nekirine.

Ne tenê ev, niha di êriş û qirkirina gelê Kurd de hevkariyê bi dijminan re dike û bi wan re dibe alîkar.

Malbatên qurbanên Enfalê tevî derbasbûna ewqas salan, heta niha jî êşa wê demê ji bîr nekirine.

Xizmên Enfalê nehêlan berpirsên hikumetê tevlî merasîma bîranînê bibin

Dihat payîn bi boneya rojê merasîmek fermî li ser gorên qurbaniyên enfalê bê lidarxistin.

Lê ji ber ku xizmên qurbaniyan rê nedan berpirs û hizbên siyasî tevlî bîranînê bibin, merasîm li hola huner ya Germiyanê hate kirin.

Danê siharê bi dehan xizmên enfaliyan li derdora goristanên qurbaniyan çalakiyek lidarxistin

Xizmên enfalê diyarkirin ku ewê rê nedin ti berpirsek hikumetê û hizbek siyasî serdana goristanê bikin.

Welatiyê bi navê Eta Rifet ku xizmê qurbaniyên enfalêye got;

“Em weke xizmên enfaliyan rê nadin ti berpirsek hikumetê sedana goristanên efanliyan bikin.

Ji bo ku ti berpirsek neyê serdanê, me livir çalakî lidarxistiye.”

Xizmên Enfaliyan: Sucdarên Enfalê ji aliyê hizbên siyasî ve tên parastin

Welatiyê bi nav Şiwan Celal jî bi bîr xist dadgeha Cezayê Giran ya Iraqê biryara binçavkirinê ji bo serok çete û sucdaran derxist, divê biryar pêkhatiba.

Ji yek xizmê enfalê Loqman Mecîd jî bang li hikumetê kir ku kesên berpirsiyarti wan di komkujiyê de hene wan radestî dadgehê bikin û got:

“Niha ew çete ji aliyê hizbên siyasî ve tên parastin û hemû mûçe distînin. “

Back to top button