Serhildana “Jin Jiyan Azadî” ya ku bi pêşengiya jinan dest pêkirî, bi şêweyên cuda berdewam dike. Gelê Îran û Rojhilatê Kurdistanê diyar dike ku heta azadiyê ew ê li kolanan bin. Li aliyê din li Îranê jehrîkirina xwendekarên keç hêjî berdewame. Herî dawî jî 5 dibistanên jinan ên li bajarê Bûkan rasrî êrişa jehrî kirinê hat.
Serhildana jin û ciwanên azadîxwaz a li dijî dewleta Îranê zêdetirî 7 mehan e berdewam dike.
Şeva borî jî gelên azadîxwaz ên li bajarên cuda teqez kirin ku heta serketina şoreşê wê serhildan berdewam be.
Li gorî agahiyên ku li Rojhilatê kuristanê û Îranê hatine girtin, şeva borî jî çalakiyên gel berdewam bûn.
Kesên ku daketin kolanan li dijî dewleta Îranê dirûşme berz kirin û ala desthilata Îranê dan ber agir.
Jin di azadiyê de bi îsrarin
Jinan jî lacikên serê xwe rakirin û derketin kolanan.
Her wiha jinan di meşê de gefên Elî Xaminêyî şermezar kirin.
Jinan diyar kirin ku heta azadiyê bi dest nexin wê çalakiyên xwe berdewam bikin.
Li Îranê jehrîkirina xwendekarên keç berdewame
Li aliyê din duh li Bokanê 5 dibistanên jinan ên ku perwerdeya seretayî û asta navîn didin, rastî êrişa bi gaza jehrî hatin.
Piştî jehrîbûnê gelek xwendekar sewqî nexwaşxaneyê hatin kirin.
Yek ji xebatkarên servîsa lezgîn a nexweşxaneyê S.R got: “Xwendekar wekî ku ji şer hatine yan jî birîndarên şerin anîne nexweşxaneyê .
Ji danê sibehê ve heta niha zêdeyî sed xwendekar sewqî servîsa lezgîn hatin kirin.”
S.R diyar kir ku hejmarek mezin ji xwendekaran piştî çend saetan ji nexweşxaneyê derketin û wiha got:
“Rewşa gelek ji wan jî pir giran e û niha li nexweşxaneyê dimînin.
Asta jehrîbûnê ji yên berê hin zêdetir e.
Rewşa xwendekaran gelekî giran e.
Her wiha ji ber rewşa xwendekarekî gelekî giran bû ew sewqî nexweşxaneya Urmiyeyê kirin.”
Li gorî çavkaniyên pêbawer, hêjmara xwandekarên bi jehrî ketine gelekî zêde ye û rewşa wan girane.
Her wiha hêzên Îranê jî ji bo agahiyên derbarê vê mijarê de belav nebin Rêveberên dibistan û xebatkarên nexweşxaneyê bi tundî hişyarkirine.
