Li Sûdanê 72 saet yê ji dengê çekan bêden bûyî bi dawî bû.
Bi dawîbûna dema agirbestê re li nava Sûdanê careke din dengê çekan bilind bû.
NY hişyariya wê yekê da ku ji nîvê welatiyên Sûdanê bêtir, bê alîkarî nikarin debara jiyana xwe bikin.
Welatê Afrîka Sûdan ya bi hejariyê re rûbirû ye, bi şerê navxweyî re jî rewşa wê aloztir bû.
Agirbesta 18’ê Hezîranê ketî meryetê, kêm jî be hêviya rewşa aram ya li welat bi xwere dabû avakirin.
Di nava peymana agirbesta ku 72 saetan hate ragihandin de herdû alî jî li gorî pîvanên agirbestê tevgeriyan.
Lê piştî ku agirbest bi fermî bi dawî bû bi çend deqeyan li paytext Xertûmê car din dengê topan û şer hat bihîstin.
Artêşa ku di bin fermandariya Ebdûlfettah El Bûrhan û Hêzên Piştevaniya Bilez (HDK) a di bin fermandariya Mûhammed Hamdan Dagalo, ji bo alîkariyên mirovî derbasî Sûdanê bibin tevgera xwe ya leşkerî rawestandibûn.
Sêşemê roja dawî ya agirbestê bû.
Şeva Sêşemê li navenda îstixbaratê ya li paytextê, şewatek mezin derket.
Çavkaniyên artêşê îdîa kir ku HDK’ê agirbest îhlal kiriye û avahî bombe kiriye.
HDK’ê jî îdîa kir ku avahiya ku tîmên girêdayî wan lê kom bûbûn, ji aliyê dronek a artêşê ve hatiye bombekirin.
Piştî vê jî piraniya navenda îstixbaratê hilweşiya.
Ji 15’ê Nîsanê ve di navbera artêşa Sûdan û hêzên HDK’ê de, şerê desthilatdariyê diqewime.
Li gorî rapora dawî ya rêxistina civakî ya sivîl a bi navê ACLED’ê ji navîna meha Nîsanê ku şer dest pê kiribû û vir ve, şerê li Sûdanê bûye sedema mirina zêdeyî 2 hezar mirovan.
NY: Bêtîrî 500 hezar kes ji Sûdanê reviyan e
Komîserê Bilind ê Koçberan a Neteweyên Yekbûyî Fîlîppo Grandî roja 20’ê Hezîranê daxuyaniyek da û ragihand ku ji ber şerê li Sûdanê bêtirî 500 hezar kes ji welêt reviyane.
Civaka navneteweyî ya li Cenevreyê kom bûyî, roja Duşemê ji bo alîkariyê bide Sûdanê nêzî 1,5 milyar dolar girt ser xwe.
NY: Bêtirî 25 mîlyon Sûdanî bê alîkarî nikarin bijîn
Ev jî tenê nîviya alîkariyên lezgîn dikare pêşwazî bike.
Li gorî NY’ê li Sûdanê ku xwedî 48 milyon nifûs e, 25 milyon kes bêyî alîkariya mirovî nikarin bijîn.
