Îsraîl di armanca xwe ya li Cenînê de israr dike.
Ji ber vê yekê oparasyona xwe ya li Cenîn a Şerîaya Rojava didomîne.
Heta niha herî kêm 10 kes mirin e.
Serokwezîrê Îsraîlê Netanyahu îdia dike ku ev oparasyon “mafê parastina xweye” û dibêje:
Ev oparasyon wê heta ku pêwist bike bidome.
Operasyona leşkerî ya ku Îsraîlê li Şerîeya Rojava dabû destpêkirin şevê din jî dewam kir.
Wezareta Tenduristiyê ya Filistînê ragihand ku herî kêm 9 filistînî di encama êrîşên esmanî û bejahî de hatine kuştin.
Her wiha derdora 100 filistînî jî birîndar bûne, ji van rewşa 20 kesî giran e.
Herî dawî bi hate ragihandin ku kesekî din jî jiyana xwe ji dest daye û ev jimar derbasî 10’an bûye.
Artêşa Îsraîlê piştî nêzî 20 salan şeva Yekşemê li Şerîeya Rojava ya kontrolkirî operasyon da destpêkirin û derbasî Cenînê bû.
Di operasyonê de bi sedan leşker û wesayitên zirxî, buldozer û balafirên bêmirov ên Îsraîlê hatin bikaranîn.
Hat ragihandin ku li Cenîn û kampa penaberan dengê çek û teqînan hatiye bihîstin.
Filistînî ji kampa penaberan a Cenînê derdikevin
Li gorî nûçeya di çapemeniya Filistînê de cih girtî hat diyarkirin ku artêşa Îsraîlê bang li Filistîniyan kir ku ji kampa penaberan derkevin.
Tevî vê yekê, li gorî agahiyên ku ji aliyê Filistîniyan ve hatin dayîn, ji roja Duşemê danê sibê ve leşkerên Îsraîlî ketin kampa penaberan, nêzî 3 hezar kes ji kampa penaberan derketin.
Alîkarê Waliyê Jenînê Kemal Ebû el-Rûb ji ajansa nûçeyan a Fransî AFP’ê re axivî û diyar kir ku Filistîniyên ku ji kampa penaberan derketin li cihên weke dibistanên bajêr bi cih bûne.
Nêzîkî 18 hezar Filistînî li kampa penaberan a Cenînê dijîn.
Kampa Penaberan a Cenînê wekî keleha komên çekdar ên Filistînê jî tê zanîn.
Netanyahu: Heta pêwist bike wê oparasyon bidome
Serokwezîrê Îsraîlê Binyamîn Netanyahû armanca operasyonê bi gotinên,
“Cenîn bûye navenda terora ku di nava mehên derbasbûyî de, li dijî mêr, jin û zarokên Îsraîlê êrîşên hovane tên kirin.
Em ê dawî li vê yekê bînin.”
Netanyahu şevê din bi peyamekê got;
Leşkerên Îsraîlî navendên fermandariya çekdaran wêran kirin û dest danîn ser depo û kargehên çekan.
Netanyahu diyar kir ku operasyona leşkerî heta ku pêwist bike wê bidome.
Di mehên dawî de li Şerîeya Rojava tundûtûjiya di navbera Îsraîl û Filistîniyan de zêde bûye.
Ji destpêka salê ve heta niha herî kêm 185 filistînî, 25 îsraîlî, Ukraynayniyek û Îtalîyekî li herêmê mirine.
Îsraîl di Şerê Şeş Rojî yê sala 1967’an de Şerîaya Rojava ku axa Filistînê ye kontrol kir.
Armanca Filistîniyan ew e ku li axên Şerîaya Rojava, Xezze û Qudsa Rojhilat dewletekê ava bikin.
Ebbas koordînasyona ewlekariyê ya li gel Îsraîl da rawestandin
