Di salvegera 9’emîn a komkujiya Şengalê de, Erebên Şengalê piştgîrî da civaka Êzidî û teqez kir ew ê heya dawî li kêleka wan bin.
Hevserokatiya KONGRA-GEL û KCDK’E jî bi daxuyaniyan, bang li NY kir ku fermana Şengalê weke jenosid qebûl bike û Rêveberiya Xweser a Şengalê nas bike.
Di salvegera 9. a vê fermana li dijî Êzidiyan de, erebên li Şengalê bi daxuyaniyekê, piştgiriya xwe bo civaka Êzidî rave kir.
Meclisa Giştî ya Herêma Ereban ferman şermezar kir û qurbaniyên êrişê bi bîr anîn û got:
Em wek pêkhateya Ereb li Şengalê soz didin gelê xwe yê Êzidî ku em ê heya dawî li kêleka wan bin û di yek xendeqê de têbikoşin.”
Piştre jî li ser navê Meclisa Jinên Ereb ên Şengalê daxuyaniyek hat dayîn.
Di daxuyaniyê de bang li NY hat kirin, ku kesên bûne sedema fermanê werin cezakirin, û wiha hat gotin:
“Em piştgirî didin biryara dadgehkirina Çeteyên DAIŞ’ê ya ji aliyê Rêveberiya Xweser a Bakûr û Rojhilatê Sûriyê ve.
Em daxwaz dikin ku roja 3’yê Tebaxê wek roja komkujiya Êzidiyan li ser asta cîhanê bê naskirin.
Piştî daxuyaniyan li ser rastiya fermanê, kirinên çeteyên DAIŞ’ê, berxwedana gerîla û rêxistinbûna civaka Êzidî sînevîzyonek hate nîşandan.
KONGRA-GEL bang li NY kir: Komkujiya Şengalê nas bikin
Hevserokatiya KONGRA-GEL jî bi heman boneyê daxuyaniyek weşand û diyar kir ku rizgarkirina bi hezaran jin û zarokên Êzidî yên di destê DAIŞ’ê de erkekî wijdanî û exlaqî yê her kesî ye.
Di daxuyaniyê de hat diyarkirin ku berpirsyarê yekem ê fermana Şengalê PDK’ ye û wiha hat gotin:
“Plana hevpar a Komara Tirk û PDK’ê ew bû ku pêşmergeyên PDK’ê bi lez û bez ji Şengalê derkevin û Êzidiyan li hemberî êrîşên çeteyan bêçek û bêparastin bihêlin.
Li gorî vê planê wê pêşî Şengal bihata hilweşandin, piştre wê şoreşa Rojava bihata girtin, lê bi ser neketin.”
Hevserokatiya KONGRA-GEL teqez kir, ji bo ku gelê Êzidî ji fermanan rizgar bibe û di nav ewlekariyê de bijî, divê Rêveberiya Xweser a Şengalê ji aliyê NY ve were qebûlkirin.
Di dawiya daxuyaniyê de, bang li NY hat kirin ku komkujiya Şengalê nas bikin û statuya xweseriya Şengalê qebûl bikin.
TAJÊ ji welatên ku jenosîd qebûl kirine re nameyek vekirî şand
