Fermandariya Giştî ya YBŞ’ê diyar kir ku piştî 9 salan li ser fermanê, plan û lîstokên qirêj ên li dijî civaka Êzidî bi hevkariya PDK’ê dewam dikin
YBŞ’ê bibîrxist eger tifaqeq neyê avakirin wê komkujiyên mezintir pêkbên û bang kir ku bi yekitiyê Xweseriya Demokratîk a Şengalê xurt bikin.
Fermandariya Giştî ya Yekîneyên Berxwedana Şengalê YBŞ’ê bi daxuyaniyekê, hemû şehîdên fermana 74’an bi bîr anîn.
YBŞ’ê diyar kir di wan rojên zehmet de, tenê mîlîtanên fedaî yên Rêber Apo xwe gihand wan û wiha got:
Di wan rojan de me fêm kir ku tiştê rê daye em van êşên mezin bikşînin, bêrêxistiniya me bû.
Gotina Rêber Apo ya ‘gelê ku xwe nespêre hêza xwe ya parastina cewherî, bi tûnebûnê re rû bi rû ye’ rewşa me şênber dike.
Ev diyarde herî zêde ji bo me civaka Êzidî dibe jiyanî.
Li ser vî esasî em heta hetayê deyndarên wan fedayiyên ku bi fikirê Rêber Apo xwe araste kiriye û canê xwe feda kiriye ne.”
YBŞ: Piştî 9 salan plan û lîstokên qirêj dewam dikin
Di dewama daxuyaniya xwe de Fermandariya giştî ya YBŞ’ê bal kişand ser êrişên îro yên li dijî Şengalê.
YBŞ’ê bi lêv kir piştî 9 salan plan û lîstokên qirêj ên li dijî civaka êzdiî dewam dikin û ev tişt anî ziman:
Tifaqa 9’ê Cotmehê ya dewlata Tirk, PDK û Kazimî ya peymana Hewlêr û Bexdayê, nimûneyeke herî şênber a van planên qirêj e.
Bi van helwestên xwe, êrişî îradeya azad a civaka me dikin. Komkujiyên nû pêk tînin.
PDK ya ku rûreşiya herî mezin kiriye û reviyaye, îro herî zêde ew di nava van plan û leyîstokan de cih digire.
“Eger tifaqek neyê avakirin wê komkujiyên mezintir pêk bên”
Li hemberî van êrişan Fermandariyê diyar kir eger tifaqek neyê avakirin, wê komkujiyên mezintir pêk bên û got;
Ji bo vê jî divê tevahiya netew û civakên herêmê di ferqa vê yekê de bin.
Lewre divê bi zanistî û şêwazekî hevgirtî li hemberî van êrişan bisekinin
YBŞ: Bi yekîtiyê divê em Xweseriya Demokratîk a Şengalê xurt bikin
Fermandariya Giştî ya Yekîneyên Berxwedana Şengalê YBŞ’ê di dawiyê de teqez kir, ku ew ê civaka xwe ji hemû êrişan biparêzin û bang kir ku bi yekîtiya Xweseriya Demokratîk a Şengalê xurt bikin.
TAJÊ ji welatên ku jenosîd qebûl kirine re nameyek vekirî şand
