Duh li gundê Bişêriyê yê bajarê Dirbêsiyê 5 jinên karker ku kar berhevkirina Pembo dikirin, bi topên dagirkeriya Tirkiyê birîndar bûn.
Ew dibêjin ku ji nişkave top bi ser wan de hatine û nema tiştekî din dîtin.
Bişkên Nexweşxaneyê jî rewşa birîndaran eşkere dikin û daxwazê dikin ku ev êrişên dijmirovî werin rawestandin.
Duh 9ê Cotmehê komeke ji 50 karkerên jin ku ji bo berhevkirina Pembo li nava zeviyekî gundê Bişêriyê yê Dirbêsiyê kom bûbûn, ji nişkave topên dagirkeriyê bi ser wan de bariyan.
Di encamê de, 5 jinên ku ji bo peydakirina pariyê nanê xwe dixebitîn, birîndar bûn.
Karkerên birîndar qala kêliya topbaranê dikin
Birîndarên ku bi lez gihaştin nexweşxaneya bajarê Hesekê, rastiya hovîtiya dagirkeriya Tirkiyê serqotî dikin.
Me pembo dida hev û ev êriş çêbû
Me hest bi tiştekî nedikir
Dûman bilind bû
me nema hevdû didîtin
Wexta em hatin ser hişê xwe, em di xwînê de mabûn
Ez ji êşa re mirim
parçe li zikê min ketiye
Ji nişkave top hatin me û em hemû topbaran kirin
Me xwe winda kir
Me nema zanî li kê ket û li kê neket
Bijşkên nexweşxaneya Gel a Hesekê têkildarî rewşa birîndaran agahiyan bi par ve dikin û piştrast dikin ku dewleta Tirkiyê pê li mafên mirovand dike.
Ji roja 6ê Cotmehê ve, nêzî 50 kesî di navbera sivîl û endamên Asayîşê di encama êrişên dagirkeriya Tirkiyê, şehîd bûne û ziyaneke mezin jî li jiyana milyonên mirovan bûye.
