Di bin siya êrişa li dijî nexweşxaneya li Xezayê, Serokê Amerîka Joe Biden li Îsraîlê ye.
Biden di hevdîtina xwe ya li gel Netanyahu de, got:
Ya tê xuyakirin, êriş ji aliyê dijber ve pêk hatiye.
Serokê Amerîka Joe Biden plana xwe ya serdana bo Îsraîlê pêk tîne.
Ev serdan di bin siya êrîşa li ser Nexweşxaneya El-Ehlî ya Xezayê de pêk tê.
Biden yê danê sibehê gihişt Tel Avîvê, li balafirgehê ji aliyê Serokwezîrê Îsraîlê Benjamin Netanyahu ve hat pêşwazîkirin.
Biden di daxuyaniya xwe ya beriya hevdîtina bi Netanyahu re, piştgiriya Waşîngtonê ragihand û got, ew ê piştgiriya pêwîst bidin Îsraîlê.
Biden di daxuyaniya xwe de îşaret bi êrîşên nexweşxanê jî kir û ji Netanyahu re got,
“Li gor tiştên ku min dît, xuya ye ne we lê aliyê din êrîş pêk aniye.”
Her çiqasî Biden ji xwe bawer axivîbe jî lê gelek gumanên li ser bûyerê hene.
Berdevkê Koşka Spî John Kirby ji rojnamevanan ra diyar kir ku Serokê Amerîkayê wê ji rayedarên Îsraîlê re hin pirsa bike.
Lê têkildarî naveroka van pirsan agahî parve nekir.
Biden plan dikir ku ligel Îsraîlê serdana Urdunê bike.
Lê piştî gulebarana nexweşxaneya El-Ehlî ya li zîvala Gazayê ya Urdunê, Biden civîna çaralî ya ku bi Serokê Misirê Ebdulfetah Sîsî û Serokê Rêveberiya Xweser a Filistînê Mehmûd Ebas re hatibû plankirin, şeva borî betal kir.
Wezîrê Karên Derve yê Urdunê di daxuyaniya xwe ya ji bo televîzyona El Mamlaka de got,
“Civîn tenê dema şer bi dawî bibe, ev komkujî raweste wê pêk were.”
Biden di daxuyaniya xwe ya derbarê êrîşa nexweşxaneyê de jî diyar kir ku ew ji ber bûyerê “xemgîn bûye.”
Biden diyar kir ku piştî bûyer bihistiye, “di cih de bi Qralê Urdunê Abdullah Duyem û Serokwezîrê Îsraîlê Benjamin Netanyahu re hevdîtin kir û ji ekîba xwe ya ewlekariya neteweyî re ferman da ku berhevkirina agahiyan bidomîne.”
Amerîka ji welatiyên xwe xwest ku neçin Libnanê
Ji aliyê din ve Wezareta Karê Derve ya Amerîkayê şîret li welatiyên xwe kir ku neçin Libnanê.
Sedema vê yekê jî ew bû ku aloziya navbera Îsraîl û Hîzbullahê li gorî rewşa heyî xeter e.
