Serokê Herêma Başûrê Kurdistanê Mesrûr Barzanî rojnamevan, nivîskar, rewşenbîr ên ku muxalîfin rastiya polîtîkayên wan ê qirêj ji raya giştî re eşere dikin, bi rêka Parastinê wan kesan an dide kuştin an jî dixe hepsê.
Kuştina Rojnamevan, Soran Mame, Heme Serdeşt Osman,Wedat Hisên û herî dawî revandina Silêman Ehmed çend ji van mînaka sûcên Mesrûr barzanî ye.
Kesek ku ne bextewarî û nejî hevaltiya mayînde nas dike, baweriya xwe bi kesê nayîne û hertim di nava tirsê de dijî.
Tenê baweriya wî bi rêbazek heye, ew jî ji bo ku bimîne, hemû kesên dijberî xwe ji holê rake.
Di vê oxirê dejî xak, gel û netewê difiroşe. Ev zilam Mesrûr Barzanî ye!
Mesrûr Barzanî ji gelek kesên derdora xwe re weke ‘bira gewre’ tê nasîn.
Di bin berpirsiyariya Mesrûr Barzanî rojnamevan, nivîskar û rewşenbîrên ku polîtîkayên wan ê qirêj eşkere dike dike armanc û ji hol radike.
Mesrûr vê yekê jî bi destê saziya îstîxbarî Parastin ku bêrê berpirsê wî bû dide kirin.
Rojnamevan Soran Mame Heme
Soran Mame Heme rojnamevanek ku di nivîsek ya xwe de daxwaza derketina hevjîna Serokê Herêmê yê wê demê Mesud Barzanî kir
Û piştre jî di raporta xwe ya dawî de ya binavê ‘Sozaniyên Kerkûkê dagirdikin’ di wê raportê de peywendiya berpirsên hikûmî yên bajarê Kerkûkê bi şebekên fihuşê re eşkere kir.
Piştî rapora Soran belav bû, Soran ji aliyê kesên girêdayî Parastina PDK’ê ve di sala 2008’an de hate qetilkirin û heya niha jî kujer nehatine eşkere kirin.
Heya niha jî ev nivîsên Soran weke sedemê qetikirina wî têne zanîn.
Rojnamevan Zerdeşt Osman
Serdeşt Osman rojnamevan û xwendevanek beşa Zimanê Ingilîzî yê zanîngeha Selahedînê bû.
Di sala 2010’an de piştî belavkirina nivîsêk xwe, Serdeşt Osman li Hewlêrê li ber derê zanîngeha Selahedînê ji aliyê çekdarên nenas ve hate revandin.
Pişt re cenazeyê Serdeşt ku şopên êkenceyê li ser hebûn, li ser rêya Musilê hate dîtin.
Rojnamevan Wedat Hisên
Rojnamevan Wedat Hisên yek rojnamevanên bi cesaret ê Dihok û Herêma Behdînan bû.
Di 13’yê Tebaxa 2016’an de rojnamevan û nûçegihanê ajansa Rojnews’ê Dihokê Wedat Hisên nava rojê li ber çavê xelkê Dihokê li taxa Malta hat revandin.
Piştî nîv saetê bi birîndarî avêtin li ser rêya di navbera Dihok-Simêlê.
Li ser bendena wî gelek şopên êşkenceya bi hovane hatî kirin hebûn, piştî ku rakirin nexweşxaneyê jiyana xwe ji dest da.
PDK’ê ev 14 roje rojnamevan Silêman Ehmed revandiye
Ev terorên hatine rêzkirin, tenê çend mînakên sucên Mesrûr Barzanî û PDK’ê ne.
Ev rojnamevan bi giştî ji aliyê Mesrûr Barzanî we hatin qetilkirin.
Niha jî bi dehan rojnamevanên mûxalîf digirtîgehan de bê sûc têngirtin.
Herî dawî jî PDK’ê yek ji rojnamevanê muxalîf Silêman Ehmed revand û ev 14 rojin agahî jê nayê girtin.
