Nêzîkî 25 sal in PDK’ê desthilata Başûrê Kurdistanê girtiye destê xwe de.
Bi rêya sextekariya di hilbijartinana de, hêza çekdarî û gendelî desthilata xwe di destê xwe de heya roja îro hêla ye.
Bi salane hilbijartin bi şêwazê ku PDK dixwaze tê lidarxistin.
Piştî ku rêyên PDK’ê bi wan sextekarî dikir li ber wê hatin girtin.
PDK dest bi hildana hincetan kir û hilbijartin boykot kir.
PDK dixwaze tomara dengdêran neyê nûkirin.
Nêzîkî 25 sal in PDK’ê desthilata Başûrê Kurdistanê girtiye destê xwe de.
Vê desthilata xwe jî bi sê rêyan bidestxistiye û di destê xwe de hêlaye, ew jî; sextekariya di hilbijartinan de, hêza çekdarî û gendeliye.
Ji sala 2005’an ve di hemû hilbijartinan de PDK’ê gelek rêyên sextekariyê bikaraniye.
Di salên dawî de jî ji ber şerê çeteyên DAIŞ’ê bi hezaran koçber li Başûrê Kurdistanê di kampan de bi cih kir.
Ev kamp ji bo hilbijartinan kiriye navenda sextekariyê ji bo xwe.
Stûna herî bihêz ya PDK’ê: Hêza çekdarî
PDK li ser yek stûnê radiweste ew jî hêza çekdarî ye ku hejmara wan 100 hezar kesan derbas dike li gel gelek hêzên din ên nefermî yên derveyî yasayan.
Ev hêz bûne kavilê malbata Barzanî û PDK’ê û di nakokiyên siyasî de tên bikaranîn.
PDK hêzên çekdarî di girtin û revandina rojnamevan û azadîxwazan de, her wiha di tepisandina welatiyan û xwepêşanderan de bikartîne.
Li gel vê di dema hilbijartinan de jî herî zêde bi rêya van hêzan sextekarî tê kirin.
Hêza ku PDK pê xwe li ser lingan digire: Gengelî
Rêyeke din a zindîbûn û berdewamkirina desthilata PDK’ê gendeliye.
Bi pereyên neftê û çavkaniyên din, malbata Barzanî gelek serwet û qesr kom kirine.
Niha ji bilî nefta ku bi eşkere ji bo Tirkiye û Îranê tê hinardekirin, ti agahiyek derbarê firotin û dahata 300 hezar bermîlên neftê de nîne.
Bi salane hilbijartin bi şêwaz û dîzayna ku PDK dixwaze tê lidarxistin.
Dadgeha Federal û Komîsyona Serbixwe ya Hilbijartinan a Iraqê ew rêyên ku PDK’ê bi wan sextekarî dikir girtin.
Ji bo wê dest bi hildana hincetan kir û hilbijartinê boykot kir.
Ji ber ku bi van biryaran PDK wê desthilat ji dest bide.
Biryar bû di 10’ê Hezîranê de hilbijartina Parlamentoya Başûrê Kurdistanê bihata lidarxistin.
Lê ji aliyê PDK’ê ve hilbijartin bi hemû şêweyên ne asayî, hate paşxistin.
Nêçîrvan Barzanî derbarê hilbijartinê de got:
“Em ê demek nêzîk de dîroka nû ya lidarxistina hilbijartinê diyar bikin.”
PDK dixwaze tomara dengdêran neyê nûkirin.
Tirsa PDK’ê a ji hilbijartinê gelek welat xistine nava fikaran
