Endamê Rêxistina Mafên Mirovan a Efrîn-Sûriyeyê Îbrahîm Şêxo diyar kir ku Hevya Sor a Qeterê li Efrînê zêdetirî 40, li Bakûrê Suriyeyê jî 13 mêtîngeh ava kirine, li van malbatên biyanî hatine bicîhkirin û got:
“Eger armanca wan destekdayîn be, çima demografiya herêmê diguherin?”
Endamê Rêxistina Mafên Mirovan a Efrîn-Sûriyê Îbrahîm Şêxo der barê malen mêtingeriyê ku Hevya Sor a Qeterê li Efrîn û Bakûrê Suriyeyê ava kirine de ji ANHA’yê re axivî.
Îbrahîm Şêxo diyar kir dewleta Tirk a dagirker bi desteka rêxistinên Qeterî û yên Îxwanî demografiyaya herêmên dagirkirî diguherîne.
Şêxo da zanîn Heyva Sor a Qeterê li bakûrê Suriyeyê 13 mêtingehên dikarin 7 hezar kesan bihewînin ava kirine;
Li Efrînê jî zêdetirî 40 mêtingeh ava kirine.
Şêxo anî ziman ku dewlet a dagirker li gundekî Kurdan ê li Babê jî mêtingeheke ji 143 beşan pêk tê ava kiriye.
Şêxo got ku li van mêtingehan malbatên ji herêmên Xûta, Dera, Idlibê, Ezaz û Bab ên Suriyeyê û malbatên filistînî hatine bicîhkirin.
Îbrahim Şêxo bibîr xist li Efrînê zêdetirî 7 hezar mal û 10 hezar dikanên welatiyan ji hêla malbatên çeteyan ve hatine desteserkirin.
Şêxo bal kişand ku armanca van rêxistinan alîkariya gelê herêmê nîn e û ev pirs kir:
“Gelê Sûriyeyê ji xaka xwe hatiye koçberkirin û welatê wan hatiye dagirkirin.
Eger armanca rêxistinên Kuweytî û Qeterî alîkarî dayîn be, çima demografyaya wan herêman diguherînin?”
Şêxo bang li Heyva Sor a Qeterê û tevahî rêxistinên ku hevkariya dewleta Tirk dike kir û got:
“Di di avakirina mêtîngehan de nebin alîkar û sûcên der exlaqî û derqanûnî nekin.
Ji ber ku bi avakirina van mêtîngehan hûn nasnameya Sûriye û Efrînê didin guhertin, ev yek jî sûc e.”
