Narîn Qamişlo ji Dera ye û di Meclisa Leşkerî ya Minbicê de fermandar e

Narîn Qamişlo, jineke Şî’î ya û ji bajarê Dera ye.
Sala 2019 tevlî YPJ dibe û paşê di Meclisa Leşkerî ya Minbicê de cih digire û dibe fermandar.
Ew dibêje li hember êrişên Tirkiyê em ê bi serkevin.
Ji bo parastina axê jî Narîn Qamişlo bang li hemû ciwanên herêmê kir ku tevli nava hêzên leşkerî bibin.

”Jinên leşker û çekên wan gelekî bandor li min kir.”

Narîn Qamişlo a ji Dera wiha behsa sedema tevlîbûna xwe ya ji hêzên Leşkerî re dike.

Jina ciwan Narîn Qamişlo ji mezheba şîe ye û di 5 saliya xwe de hatiye bajarê Qamişlo.

Bavê wê serbazekî hikumeta Şamê bû û ferza wî ji Qamişlo re bû sedem ew li vî bajarî bimînin.

Sala 2013’an hevaleke wê şehîd dibe, ji bo wê jî navê wê hildide û sala 2019’an tevli YPJ’ê dibe.

Narîn a ku zilma li ser gelê Derayê ji nêz ve dîtiye, hêvî dike ku Sûriyeke demokratîk bê avakirin.

Ew dibêje ji bo xwîna hevalên xwe li erdê nehêle wê ev rê hilbijartiye..

Tevlibûna wê dibe sedem ku malbat li dijî wê derkeve, ji ber ku ne li gorî kevneşopiyên wan bû.

Lê Narîn li dijî van kevneşopî û hişmendiyê, derdikeve, çeka xwe hildide û tevlî YPJ’ê dibe.

Narîn Oamişlo: Ger dijmin gavekê bavêje em ê dehan bavêjin

Niha Narîn Qamişlo li Minbicê ye û di Meclisa Leşkerî ya Minbicê de fermandarek e.

Têkildarî rewşa li Minbicê û gefên dewleta Tirk a dagiker Narîn dibêje:

“Em niha di rewşeke gelekî tevlihev û aloz de ne.
Me cihê xwe di mewziyên şer de girtiye.
Amadekariyên me yên li dijî êrişan hene.
Gelên Minbicê jî li kêlêka me ne.
Eger êrişek çêbibe jî em ê bi ser bikevin.
Dijmin difikire ku bi çekên giran dê vîna me bişikîne.
Lê ew gavekê biavêjin em ê dehan biavêjin.
Ev jî dihelê tirs di dilê dijmin de çêbibe.”

Narîn Qamişlo: Ji bo parastina axê divê hemû ciwan tevlî meclisên leşkerî bibin

Fermandar Narîn li ser helwesta hikûmeta Şamê û Rûsya ya li hember êrişan jî ev anî ziman:

“Hikumeta Şamê û Rûsya li xetên pêş cih digirin lê bersiva êrişan nadin.
Cihên hikûmeta Şamê tên hedefgirtin lê dîsa jî ji bêdengiya xwe dernakevin û bêbersiv dimînin.”

Dawiyê Fermandar Narîn Qamişlo bang li ciwanên hemû pêkhateyên Sûriyê kir ku ji bo parastina welat tevli hêzên leşkerî bibin.

Back to top button