Li Ingîlîstanê di 4’ê Tîrmehê de hilbijartina pêşwext were lidarxistin.
Di hilbijartinan de wê 650 parlamenterên ku li parlamentoya Îngilîstanê qanûn û polîtîkayên diyar dikin bên hilbijartin.
Li gor anketên hatine kirin Partiya Karkeran li pêş xuya dike.
Serokwezîrê Îngilistanê Rishi Sunak ragihand ku hilbijartinên pêşwext dê di 4’ê Tîrmehê de bên kirin.
Serokwezîr Sunak diyar kir ku ew çû Qesra Buckingham û ji Qral Charles ê sêyemîn xwest ku Meclisa Avamê betal bike.
Sunak ku demeke dirêj e di bin zexta ragihandina roja hilbijartinê de ye, li bendê bû ku di dawiya serdemê ya 5 salan de hilbijartinan dawiya salê pêk bîne.
Hilbijartinên Îngilîstanê her pênc salan carekê têne kirin û hilbijartinên dawîn jî di Kanûna 2019’an de hatin kirin.
Partiya Muhafezekar bi ferqeke zêdetirî 80 kursiyan di Meclîsa Nûneran de piraniya dengan bi dest xistibû.
Partiya Muhafazakar ji sala 2010’an vir ve desthilatdar e.
Pênc salên pêşîn ên vê yekê bi Demokratên Lîberal re hikûmeteke koalîsyonê bû.
Sunak: Dê 4’ê Tîrmehê hilbijartin bê lidarxistin
Partiya Karker di anketan de li pêş xuya dike.
Partiya Mûxafazakar di hilbijartinên herêmî yên 3’ê Gulanê de windahiyên mezin xwar.
Dema ku Partiya Karker bi 185 kursiyên zêde endamên meclîsa şaredariyê 1140 zêde kir, Partiya Muhafazakar 473 kursî winda kir û daket 513’an.
Hin ji van kursiyan derbasî Demokratên Lîberal, Keskan û serbixwe bûn.
Li gorî anketên meha Gulanê, Partiya Karker ji sedî 44, Partiya Muhafazakar ji sedî 23 û Partiya Reform ku mirov dikare weke rastgirên tund tê pênasekirin, ji sedî 11 dengan bigire.
Di hilbijartinan de wê 650 parlamenterên ku li parlamentoya Îngilîstanê qanûn û polîtîkayên diyar dikin bên hilbijartin.
Wê 650 parlamenter bên hilbijartin
Parlamenter ji bo Meclîsa Avamê, yek ji du meclîsên ku li Londonê ye, têne hilbijartin.
Hin endamên partiyê, di nav de cîgirê serokwezîr Oliver Dowden, zor li Rishi Sunak kirin ku dîroka hilbijartinê zûtir biguhezîne.
Sunak niha dikare bêje ku bi kêmanî hin armancên wî hatine pêk hatiye yan jî hinek jî dikare were pêkanîn.
Enflasyon yek ji wan e. Enflasyona ku di Cotmeha 2022’yan de derket asta herî bilind a 40 salên dawîn ji sedî 11, vê mehê daket ji sedî 2,3.
Ev yek ne tenê ji ber kiryarên hikûmetê ye, dibe ku di hin nîşaneyên din ên aborî de jî nîşaneyên başbûnê hene.
Sozeke din a ku Sunak di dema hikûmeta xwe de dabû, ew bû ku hatine penaberan asteng bike.
