Li bajarekî li başûrê paytexta Îran Tehranê teqînekê rû da. Di encamê de 9 kesan jiyana xwe ji dest dan.
Midûrê Heyva Sor Şahîn Fethî ji televîzyona dewletê re axivî û got, “Êvara Çarşemê li bajarê Rûbat Kerîm ê li başûrê paytextê li avahiyekê teqînek çêbû.”
Fethî ragihand ku di encama teqînê de 9 kesan jiyana xwe ji dest dan, 9 kes jî birîndar bûn.
Li gorî televîzyona dewletê 6 ji kesên jiyana xwe ji dest dane jin e.
Fethî ragihand ku piştî teqînê avahiya ji sê qatî hilweşiya û xebatên lêgerîn û rizgarkirinê piştî 11 saetan bi dawî bû.
Hate ragihandin ku teqîn ji ber gazê çêbûye.
Rûbat Kerîm ku bajarekî xizan ê Îranê ye 100 hezar nifûsa xwe heye.
