Hêzên Rizgariya Efrînê jî eşkere kir ku di çalakiyên wan ên li Efrîn, Bab û Marê de leşkerek, 2 polîs û 3 çeteyên dewleta Tirk hatin kuştin.
Hêzên Rizgariya Efrînê jî bersiva êrişên dewleta Tirk a dagirker dan.
Navenda Ragihandinê ya HRE’ê der barê çalakiyan de daxuyanî da û ev agahî parve kir;
“22`yê Kanûnê, li bajarê Efrînê çalakiyek taybet hat lidarxistin.
Di çalakiyê de çeteyek hat kuştin û 4 çete jî birîndar bûn û erebeyek çeteyan hat rûxandin.
26`ê Kanûnê, li baregehên artêşa Tirk ên li Marê, Kefer Mizê û Kil Cibrîn hatin xistin.
Di van çalakiyan de leşkerekî artêşa Tirk hat kuştin, 8 leşker jî birîndar bûn.
27’ê Kanûnê, li bajarokê Babê li dijî navendeke çeteyan çalakiyek hat lidar xistin.
Di çalakiyê de 2 çete hatin kuştin, 6 jî birîndar bûn.
Heman rojê li Efrînê jî 2 çete hatin kuştin, 5 jî birîndar bûn û erebeyek çeteyan hat rûxandin.
28`ê Kanûnê jî li bajarokê Babê li dijî 2 baregehên artêşa Tirk çalakî hatin lidarxistin.
Di van çalakiyan de jî 2 leşkerên artêşa Tirk birîndar bûn.”
