Li Haîtîyê di şerê di navbera çeteyan de 10 kesan mirin.
Berdevkê Polîsê Haîtîyê diyar kir ku ti eleqeya hêzên ewlehiyê bi bûyerê re tuneye.
Li gorî çapemeniya herêmî, li taxa Petionville ya li başûrê paytext Porto-Prince di navbera 2 çeteyan de pevçûn derket.
Di bûyerê de 10 çeteyên ji her du partiyan jiyana xwe ji dest dan.
Di daxuyaniya ji aliyê Berdevkê Polîsê Haîtîyê ve hat dayîn de hat diyarkirin ku ti eleqeya hêzên ewlehiyê bi bûyerê re tuneye.
Li aliyê din, li gorî daneyên Rêxistina Koçê ya Navneteweyî (IOM) di navbera 8-14’ê Adarê de li paytextê ji ber tundiya komên çete 16 hezar û 947 kes neçar mane malên xwe terk bikin.
Di pevçûna çeteyan de 10 kes mirin
Çeteyên çekdar ên ku daxwaza îstifakirina Serokwezîrê Haîtî Arîel Henrî kirin, di 2 û 3’ê Adarê de êrîşî du girtîgehên li nêzî Porto Prince û herêma Croix des Bouquets kirin û bi hêzên ewlekariyê re pevçûn derket.
Di pevçûnan de nêzî 4 hezar girtî ji girtîgehê reviyan û 12 kesan jiyana xwe ji dest dan.
Hikûmetê di 4’ê Adarê de ragihandibû ku ji bo girtina kesên ji girtîgehê reviyane 72 saetan Rewşa Awarte hatiye ragihandin.
Rewşa Awarte ya 72 saetan ku di 4ê Adarê de ji bo girtina girtiyên ku ji girtîgeha Haîtîyê reviyane hatibû ragihandin, di 7ê Adarê de mehek hat dirêjkirin.
Haîtî, yek ji welatên herî feqîr ê parzemîna Amerîkayê ye, ji ber hêlîna tundiyê ya ji hêla çeteyan û valahiya hêzê ve, li ber hilweşîna aborî ye.
Haîtî ku bi salan e bi pirsgirêkên bingehîn ên wekî qeyranên siyasî, aborî û ewlehiyê re têdikoşe, nifûsa xwe ya ji 11 mîlyonî derbas kiriye di bin xetera birçîbûnê de ye.
