Eşîrên Qebîleya Tey a Ereb ên li kantona Cizîrê Meclisa xwe ya giştî ava kirin.
Duh bi beşdariya şêx û rûspiyên eşîrên Kurd û Ereb, kesayetên civakî û siyasî yên kantona Cizîrê civînek li Qamişloyê hat lidarxistin.
Di civînê de, eşîrên qebîleya Tey, Meclisa Giştî ya Qebîleya Tey a Kantona Cizîrê ava kir.
Ji pêkahteyê Suryan Denho Îlya jî tev li meclisê bû.
Şêx Hesen Ferhan El Mihemed El Ebdullah El Tayî wekî serokê Meclisa Giştî ya Qebîleya Tey a Kantona Cizîrê hat hilbijartin.
Eşîran diyar kir ku avakirina meclisê encamên nîqaşên demdirêj e.
Her wiha destnîşan kirin ku armanca vê meclisê mîsogeriya ewlehiya Herêma Bakur û Rojhilatê Sûriyê, çareserkirina pirsigrêkên qebîleyê, belavkirina hevgirtin û çanda hevqebûlkirinê û xurtkirina têkiliyan bi qebîleyên din re ye.
