Wê di 17’ê nîsanê de têkildarî Doza Kobanê ku 17 jê girtî bi giştî 108 kes tên darizandin rûniştina biryarê were lidarxistin
DEM Partiyê ji bo rûniştina biryarê bang li raya giştî ya demokratîk û partiyên siyasî kir û got: “Di Doza kompasê ya Kobanê de li cem azadiyan cih bigirin.”
Rûniştina biryarê ya Doza Kobanê ku hevserokên giştî yên Partiya Demokratîk a Gelan HDP’ê yên berê jî di nav de 17 jê girtî bi giştî 108 kes tê de tên darizandin wê di 17’ê nîsanê de bê lidarxistin.
Dilgirtiyên siyasî ji ber şermezarkirina êrişên DAIŞ’ê yên li dijî komkujiyê DAIŞ’ê yên li ser Kobanê tên darizandin.
Lijneya Rêveberiya Navendî a Partiya Wekhevî û Demokrasiyê ya Gelan (DEM Partî) têkildarî danişîna biryarê ya dozê bang kir.
Di daxuyaniyê de dest pê kê êrişên DAIŞ’ê û qirkirina li dijî êzidiyan, hewldana qirkirinê ya li dijî Kobanê û komkujiyên DAIŞ’ê hatin bibîrxistin.
DEM Partiyê da zanîn ku li dijî hewldana komkujiya li dijî Kobanê, li her devera cîhanê û Tirkiyeyê protesto hatibûn destpêkirin û daxwazan bi sedhezaran kesan ew bû ku rê li ber komkujiyê were girtin.
DEM Partî: Doza Kobanê, doza tolhildana têkçûna DAIŞ’ê ye
Bi domdarî rapora Komeleya Mafê Mirovan (ÎHD) a têkildarî protestoyên Kobanê de hat ragihandin û wiha hate gotin:
“Li gorî daneyên ÎHD’ê 46 kesan û li gorî yên Midûriyeta Giştî ya Emniyetê jî 48 sivîlan jiyana xwe ji dest dan. HDP’ê ji bo lêkolînkirina van mirinan û dîtina faîlên bi dehan pêşnûme da Meclisê lê bi dengên AK û MHP’ê hatin redkirin. 6 sal piştre jî bi hinceta twîtekê HDP berpirsyar hate dîtin û Doza Kompasê ya Kobanê hate destpêkirin. Ev doz, doza tolhildana têkçûna DAIŞ’ê ye.”
“Dadgehê bi hiqûqa ku bi xwe afirandî doz veguherand dozeke siyasî”
Bi domdarî hat gotin ku lêpirsîna dozgeriyê di sala 2014’an de dest pê kir, di 2015-2016’an de îfade hatine girtin lê tu delîl nehatine bidestxistin û her kêliya lêpirsînê jî ji ber xwe ve hatiye amadekirin
DEM Partiyê diyar kir ku mîna qonaxa lêpirsînê, qonaxa teqîbatê jî bi awayekî derhiqûqî hatiye meşandin û dadgehê bi hiqûqa ku bi xwe afirandî ev doz veguherandiye dozeke siyasî.
Her wiha DEM Partiyê destnîşan kir ku bi biryarên Dadgeha Mafê Mirovan a Ewropayê jî hatiye piştrastkirin ku Doza Kobanê dozeke kompasê ye û biryara têkildarî Hevserokê Giştî yê HDP’ê yê berê Selahattîn Demîrtaş bi bîr xist.
DEM Partî: Di doza kompasê ya Kobanê de li cem azadiyan cih bigirin
Dawiyê Lijneya Rêveberiya Navendî a DEM Partî ji bo rûniştina biryarê bang li raya giştî ya demokratîk û partiyên siyasî kir û got:
Ji bo ew careke din kompasa hiqûqê ya bloqa desthilatê vala derxin, di doza kompasê ya Kobanê de li cem azadiyan cih bigirin.”
