YBŞ’ê Cejna Çarşema Serê Nîsanê pîroz kir û ji bo parastina destketî, ol û nirxên banga hevgirtinê kir.
Yekîneyên Berxwedana Şengalê (YBŞ) ji bo Cejna Çarşema Serê Nîsanê (Çarşema Sor) peyamek weşand.
YBŞ’ê behsa wateya cejnê kiri û ragihandin ku ew her sal vê cejnê weke destpêka jiyaneke nû pêşwazî dikin.
YBŞ’ê işaret bi êrişên li ser civakê, plan û lîstikên qirêj kir û anî ziman ku armanc jê tunekirina Êzdiyan e.
YBŞ’ê ragihand ku ji bo cejn bi kêfxweşiyeke bilind bê pîrozkirin, berdêlên giran hatine dayin û got,
“Bi vîna ku piştî fermanê hate afirandin, 9 sal in civaka me bi têkoşîneke bêhempa vê rojê pîroz dike.”
YBŞ’ê bang li civakê kir ku li dora hev bibin xelek û destketî, bawerî, nirx û ola xwe biparêzin.
