Hevserokê Meclisa Rêveber a Rêveberiya Xweser a Bakur û Rojhilatê Sûrî Ebid Hamid El-Mihbaş diyar kir ku ew di pêkanîna bendên lihevkirina ewlehiya herêma parastina sînor de aliyelî erênînin.
Hamid El-Mihbaş got:
Me bendek ji bendên lihevkirinê binpê nekirine, dibe ku aliyê Tirk makenîzmeya ewlehiyê şaş fêm kiribe.
Ruxmê ku lihevkirinek sêalî ya di navbera QSD’ê, Amerîka û Tirkiyê de pêk hatiye, lê hîn jî rayedarên dewleta tirk ji bo dagirkirina Bakur û Rojhilatê Sûrî gefan dixwin.
Hevserokê Meclisa Rêveber a Rêveberiya Xweser a Bakur û Rojhilat Sûrî Ebid Hamid El-Mihbaş der barê makenîzmeya ewlehiyê de axivî.
Ebid Hamid El-Mihbaş diyar kir ku ev lihevkirin ji bo misogerkirina ewlehiya sînor pêk hat û got:
Niha em di çarçoveya pêvajoya yekemîn a lihevkirinê de ne.
Em bi pêkanîna bendên wê ve girêdayî ne. Girêdayî vê lihevkirinê em gelek nerm bûn.
El-Mihbaş destnîşan kir ku wan bendên lihevkirinê binpê nekirine, lê dewleta Tirk makenîzmeya ewlehiyê şaş fêm dike armanc dike herêmê dagir bike.
Hevserokê Meclisa Rêveber a Rêveberiya Xweser a Bakur û Rojhilatî Sûrî Ebid Hamid El-Mihbaş derbarê plana dewleta Tirk ya ji bo bicihkirina penaberên Sûriyê li heremên kurdan wiha anî ziman:
Em naxwazin ev peyman ji bo guhertina demokrafîk pêk were.
Divê her Sûriyek vegere warê xwe û li hember polîtîkayên dewleta Tirk bisekine.
