Parêzer Muharrem Şahîn ku gelek caran bi Rêber Apo re hevdîtin kiriye, bal kişand ser “cezayên dîsîplînê”.
Muharrem Şahîn diyar kir ku tu ceza nabe astengî ji bo hevdîtina girtî ya bi parêzerên xwe re û got:
Di hiqûqê de ev tişt tune ye û ev jî nîşaneye ku ev tecrîd kirineke navneteweyî ye.
Şahîn bang li her kesî kir ku divê tekoşîna li dijî tecrîdê bê berfireh kirin û dewam bike.
Yek ji Parêzerên Rêber Apo Muharrem Şahîn ku zêdetirî 15 caran çûye Girtîgeha Îmraliyê û têkildarî rojeva tecrîdê axivî.
Muharrem Şahîn diyar kir ku li Îmraliyê tecrîdeke gelek giran tê meşandin û demek dirêj e jî didome.
Muharrem Şahîn: Di qanûn û makeqanûnê de tecrîdek wiha tune
Şahîn bibîrxist di qanûn û makeqanûnê de tecrîdek wiha tune ye û wiha got:
Tu sedemên tecrîdê ji aliyê hiqûqî ve nîne, lê hiqûqê bin pê dikin û tecrîdê didomînin.
Di vê hêlê de jî berpirsiyar siyasetmedar in.
Muharrem Şahîn: Divê dadgeha cezayê qanûnên heyî pêk bîne
Yên ku welatan bi rê ve dibin siyasetmedar in û yên qanûn û zagonan çêdikin jî dîsa ew in”
Şahîn destnîşan kir ku pêk anîna van zagon û qanûnan jî berpirsiyariya hiqûqnasan e û wiha domand:
Tiştê bê kirin gelek hêsan e. Divê Dadgeha Cezayê qanûnên heyî pêk bîne.”
Muharrem Şahîn: Hemû hincetên “ji bo cezayê disîplînê” pûç in
Parêzer Şahîn bal kişande ser serlêdanên ji bo hevdîtinê yên bi hêceta cezayê disîplînê tên redkirin û ev tişt anî ziman:
Hemû hincetên desthilat nîşan dide pûç in.
Çi bibe bila bibe, tu cezayên dîsîplînê ji bo hevdîtina bi parêzeran re nabe astengî.
Di hiqûqê de jî ev tişt tune ye.”
Muharrem Şahîn: Bêdengiya welatên berpirsiyar nîşaneye ku ev tecrîd kirineke navneteweyî ye
Bi domdarî Muharrem Şahîn da zanîn ku ew vê tecrîdê tenê bi Tirkiyê ve girêdayî nabînin û ev nirxandin kir:
Rihetiya Tirkiyê hinekî girêdayî bêdengbûyîna welatên berpirsiyar e.
Mafê girtiyan di Dadgeha Mafên Mirovan a Ewropayê de jî hatiye destnîşan kirin û Tirkiyê jî ev peymane îmze kiriye.
Bi siyaseta navbera xwe ya rojane li gor berjevendiyên xwe tevdigerin û ji vê bêhiqûqiyê re bê deng dimînin.
Ev jî nîşaneye ku ev tecrîd kirineke navneteweyî ye.
Muharrem Şahîn: Divê ev tekoşîna li dijî tecrîdê bê berfireh kirin
Parêzerê Rêber Apo Muharrem Şahîn diyar kir lewma serlêdan hemû tên redkirin û got:
Lê ev nabe hincet ku dest ji tekoşînê bê kêşandin. Divê ev tekoşîna li dijî tecrîdê bê berfireh kirin û dewam bike.”
