Komeleya Mafên Mirovan ÎHD rapora 23 girtîgehan herêma Anatoliya Navîn eşkere kir.
ÎHD’ê di rapora 3 mehan de diyar kir ku li girtîgehan herî kêm Hezar û 203 binpêkirinên qewimîn.
Şaxa Komeleya Mafên Mirovan (ÎHD) a Enqereyê rapora xwe ya mehên nîsan, gulan û hezîranê ya li ser binpêkirinên mafan ên li girtîgehên li herêma Anatolyaya Navîn eşkere kir.
Rapor bi civîna çapemeniyê ku li Navenda Giştî hate lidarxistin, hate ragihandin.
IHD: Di 3 mehan de li 23 girtîgehan Hezar û 203 binpêkirin qewimîne
Di raporê de hate parvekirin ku di pêvajoya 3 mehan de li 23 girtîgehan hezar û 203 binpêkirinên mafan qewimîne.
IHD’ê da zanîn di 3 mehên dawî de herî kêm li 5 girtîgehan 13 girtî li dijî binpêkirinên mafan ketine çalakiya greva birçîbûnê
Di raporê de hûrgiliyên binpêkirinan IHD’ê wiha rêz kir:
Mafê tenduristiyê yêm girtiyên nexweş û dermankirina wan nayên bicîh anîn.
Herî kêm 357 îşkence, mûameleya nebaş, gerfxwarin û biçûkxistin çêbûne.
Berdana 35 girtiyan ji aliyê Lijneya Çavdêrî û Îdareyê (ÎGK) ve hatiye astengkirin.
Têkildarî mafê ragihandinê yên girtiyan li van girtîgehan 493 binpêkirin hene.
Herî kêm 59 girtî ji ber daxwazên xwe sewqî girtîgehên din hatine kirin.
IHD: Divê binpêkirinên li girtîgehan bên bidawîkirin
IHD’ê di rapora xwe de bibîrxist ev binpêkirin li dijî Destûra Bingehîn, peymanên navneteweyî û gelek normên din e û got:
“Divê weqayên îşkence û lêdanê yên di demên dawî de li girtîgehan zêde bûne bên bidawî kirin.
Her wiha derbarê kesên berpirsyar de lêpirsîn bê destpêkirin û bên cezakirin.
IHD bang li sazî û dezgehên pêwendîdar kir: Bikevin nava liv û tevgerê
Şaxa Komeleya Mafên Mirovan ÎHD a Enqereyê diyar kir, divê destûr bê dayîn ku saziyên serbixwe yên tenduristiyê bikevin girtîgehan û lêkolînan bikin û di dawiyê de ev bang kir:
“Em bang li Wezareta Dadê û hemû sazî û dezgehên pêwendîdar dikin ku li dijî tiştên li hemû girtîgehan, binpêkirinên mafa û astengiyên ji bo xwegihandina tenduristiyê bikevin nava liv û tevgerê.”
