Dawiya hefteyê ji Tengava Taywanê 2 keştiyên Amerîka û Kanada derbas bûn.
Piştî vê yekê, tevgera artêşa Çînê ya li derdora gravê zêde bû.
Wezareta Parastinê ya Taywanê ragihand ku 39 balafirên leşkerî û keştiyek balafiran ên Çînî li nêzîkî giravê hatiye dîtin.
Li nêzî Teywanê liv û tevgera leşkerî ya Çînê hate tespît kirin.
Hate diyarkirin ku duh û îro 26 balafir û 13 keştiyên leşkerî li derdora girava Taywanê ketine tevgerê.
Li gorî Wezareta Parastinê ya Taywanê, ji serê sibeha Duşemê ve 13 balafirên din jî hatine tespît kirin.
Wezaretê diyar kir ku keştiya balafiran a Çînê Shandong roja Duşemê jî li başûrê rojhilatê Taywanê hatiye tespîtkirin û keştî ber bi rojhilatê ve çûye û derbasî rojavayê Pasîfîkê bûye.
Çîn girava Taywanê wekî yek ji parêzgehên xwe dibîne û peyamên ‘heke hewce bike ew ê bêdudilî bi darê zorê ve girêdayî axa xwe bikin’ dide.
Rayedarên Taywanî ragihandin ku 22 ji 39 balafirên vê dawîyê hatine tesbîtkirin, xeta navendî ya Tengava Taywanê, sînorekî nexuyayî ku giravê ji parzemînê vediqetîne, derbas kirin.
Wezareta Parastinê ya Taywanê got,
“Artêş ji nêzîk ve çavdêriya rewşê dike û ji bo bersiv bide balafir, keştiyên deryayî û sîstemên mûşekî yên bejahî bicih kirine.”
Berdevkekî leşkerî yê Çînî roja Şemîyê got;
Piştî ku du keştiyên Amerîkî û Kanadayî di Tengava Taywanê re derbaz bûn leşkerên Çînî her tim di rewşa amade de ne.
Hêza Deryayî ya DYA’yê ragihand ku keştî Destroyera Fuze ya Arleîgh Bûrke ÛSS Ralph Johnson û HMCS Ottawa ne û îdîa kir ku derbasbûna keştiyan a ji herêmê ‘dilsoziya DYA, hevalbend û şirîkên wê ji Hînt-Pasîfîk a vekirî û serbest nîşan dide’.
Waşington ligel aloziyên bi Çînê re hevalbendê herî bihêz yê Taywanê dimîne û radigihîne ku ew piştgirî didin mafê giravê ku biryarê li ser paşeroja xwe bide.
Liv û tevgera DYA û hevalbendên wê yên rojavayî ya li Tengava Taywanê û Derya Başûrê Çînê dibe sedema nerazîbûna Pekînê.
