Konferansa 3’yemîn a Tevgera Ciwanên Şoreşger li kantona Cizîrê bi dirûşma “Bi vejîna ciwanan xwe rêxistin bikin û Rêber Abdullah Ocalan azad bikin” bi encamnameyekê bi dawî bû.
Di serî de rêveberê meclisa bajarê Hesekê Şiyar Efrîn konferansa 3’yemîn a tevgerê pîroz kir û got:
“Di vê şoreşê de rola ciwanan a herî girîng e.
Pêwîst e ciwan asta têkoşînê bi fikrên Rêber Abdullah Ocalan li dijî êrişên dewleta Tirk a dagirker bilind bikin.”
Piştre perspektîfên Rêber Abdullah Ocalan ji aliyê hevserokê Meclisa Ciwanên Sûriya Demokratîk Nasir Nasiro ve hatin xwendin.
Endama Tevgera Jinên Ciwan Şems Hesekê rapora salê ya tevgerê xwend û sînevîzyonek li ser tevgerê hat pêşandan.
Piştî nîqaşan konferans bi encamnameyek bidawî bû.
Hin xalên sereke yên encamnameyê wiha ne:
- Em ê heta azadkirina Rêber Abdullah Ocalan têkoşîna xwe ranewestînin.
- Fikrên Rêbertî ji bo zanîn, zanist, pêşxistina kesayetan û guhartina civakê bingeh in.
- Ji bo belavkirina fikrê Rêber Abdullah Ocalan dê semîner, konferans, panel û civîn werin lidarxistin.
