Li bajarê Hualien ê Taywanê careke din du erdhejên bi lerza 6,1 û 6 li pey hev pêk hatin.
Li gorî zanyariyên destpêkê di erdhejê de ti ziyanên canî û madî çênebûne.
Her wiha li Hindistanê jî kareseta ekolojîk rû da û seranserî paytext Delhî ji ber şewata çiyayê çopê dumanên jehrî bilind bû.
Li bajarê Gûangdongê yê Çînê ku navenda hilberînê ye, ji ber barana zêde alarma sor hate dayin.
Navenda Lêkolînên Jeolojîk a Amerîkayê ragihand ku li başûrê bajarê Hualien ê li peravên rojhilatê Taywanê du erdhej çêbûn.
Hêza erdhejên ku bi 6 deqeyan ji hev cuda di kûrahiya 10 kîlometreyan de hatine tomarkirin bi pileya 6,1 û 6’an hat diyarkirin.
Li gorî zanyariyên destpêkê di erdhejê de ti ziyanên canî û madî çênebûne.
Li bajarê Hualien ê Taywanê di 3’yê Nîsanê de bi lerza 7,4’an erdhejek pêk hat.
Midûriyeta Navendî ya Meteorolojiyê ya Taywanê mezinahiya erdhejê 7,2 ragihand û diyar kir ku di 25 salên dawîn da erdheja herî xurt e ku li Taywanê rû daye.
Li Çînê ji ber barana zêde alarm hat dayîn
Li aliyê din ji roja Pêncşemê ve li vê eyaleta qelebalix a Çînê baran dibare.
Li bajarê Gûangdongê yê Çînê ku navenda hilberînê ye, ji ber barana zêde alarma sor hate dayin.
Servîsên meteorolojiyê yên vî bajarê ragihand ev alarma ku asta herî bilind e di meriyetê de ye.
Rayedarên meteorolojiyê diyar kirin ku ji ber barana zêde rîska lehiyê ‘pir bilind e’.
Ji ber şert û mercên nebaş ên hewayê çar kesan jiyana xwe ji dest dan, bi deh hezaran kes hatin veguhestin.
Hindistan: Agir li çiyayê Çopê ket
Yek ji mezintirîn girseyên çopê yên Hindistanê hema hema 24 demjimêran şûnda şewitîna xwe berdewam dike, û dûmanên jehrîn dişîne hewaya devera qelebalix a li derûdora paytext Delhi.
Erdheja Gazîpurê ya ku zêdetirî 40 qadên futbolê digire nava xwe û heta 65 metre bilind dibe, ji ber ku li herêmê germahî zêde bû şewat derket.
Rayedarên herêmê diyar kirin ku herî kêm 6 wesayîtên îtfaiyeyê ji bo vemirandinê li cihê bûyerê bûn.
Cara dawîn agirê mezin li vê cihê di dema pêla germa kujer a sala 2022’yan de derketibû.
Di sala 2018’an de ji ber hilweşîna parçeyek çopê du kes mirin.
Ev erd di sala 1894’an de hat vekirin û di sala 2002’yan de gihîşt kapasîteya xwe.
Lê ew hîn jî mezin dibe, ku rojane nêzî 2 hezar ton çop tê avêtin û tê pêşbînîkirin ku di demek nêzîk de ji Taj Mahal bilindtir be.
Li bajarên Hindistanê her sal 62 milyon ton çop derdixin û li gorî texmînên heyî heta sala 2030’î ev reqem wê bibe 165 mîlyon.
