Piştî ku Amerîkayê endamtiya tam a Fîlîstîniyan a ji Neteweyên Yekbûyî re veto kir, li Civata Giştî gaveke sembolîk avêt.
Lewma Fîlîstîniyan biryar dan ku serî li Desteya Giştî bidin.
Gelek çavdêrvan û dîplomat diyar dikin ku li Civata Giştî îhtimala serketinê hîn zêdetir e.
Li aliyê din Nûnerê Bilind ê Polîtîkayên Derve û Ewlekariyê yê Yekîtiya Ewropayê Josep Borrell derbarê nasîna dewleta Filîstinê de daxayaniyek da.
Josep Borell diyar kir ku Îspanya, Îrlanda û welatên din ên Yekîtiya Ewropayê plan dikin ku di 21’ê Gulanê de dewleta Filistînê nas bikin.
Fîlîstîniyên xwedî statuya “dewleta çavdêr a ne endam”, di sala 2011’an de ji bo bi rengekî tam bibin endam serî li Neteweyên Yekbûyî dan.
Fîlîstîniyan serlêdana xwe di serê meha Nîsanê de car din anîn rojevê.
Ji bo ev hewldan bi ser bikeve divê piştî pêşniyara erênî ya Konseya Ewlehiyê, li Desteya Giştî ji sêyan du bikeve dengdanê.
Dewletên Yekbûyî yên Emerîkayê 18’ê Nîsanê ev yek veto kir.
Lewma Fîlîstîniyan biryar dan ku serî li Desteya Giştî bidin.
Filîstîniyan serî li Desteya Giştî bidin
Gelek çavdêrvan û dîplomat diyar dikin ku li Civata Giştî îhtimala serketinê hîn zêdetir e.
Biryara ji aliyê Îmarat ve hat pêşniyarkirin, diyar dike ku dewleta Fîlîstînê ji Neteweyên Yekbûyî re “ji bo endamtiyê şert û mercên pêwîst bi cih tîne” û “lewma divê ji endamtiyê re were qebûlkirin”.
Her wiha bang li Konseya Ewlehiyê tê kirin ku “mijarê bi rengekî erênî jinûve binirxîne”.
Nasîna dewleta Filistînê
Li aliyê din Nûnerê Bilind ê Polîtîkayên Derve û Ewlekariyê yê Yekîtiya Ewropayê Josep Borrell derbarê nasîna dewleta Filîstinê de daxayaniyek da.
Josep Borell diyar kir ku Îspanya, Îrlanda û welatên din ên Yekîtiya Ewropayê plan dikin ku di 21’ê Gulanê de dewleta Filistînê nas bikin.
Borell anî ziman ku ew bi Îsraîlê re li hev kirine ku gavên yekem ji bo naskirina dewleta Filistînê bavêje û wê ji bo Îsraîlê girîng dibîne.
Borrell got:
“Ev di xwezayê de çalakiyeke sembolîk e.
Belçîka û welatên din dikarin gavên wiha bavêjin.”
Wezîrê Derve yê Spanyayê Jose Manuel Albares di daxuyaniya xwe ya berê de diyar kiribû ku biryara naskirinê hatiye girtin, lê dîroka vê yekê neda.
Ragihandina neteweyî ya Îrlandayê RTE duh diyar kiribû ku Îspanya, Îrlanda, Slovenya û Malta li benda dengê ‘endamtiya tam’ a Neteweyên Yekbûyî ne û di 21’ê Gulanê de li ser naskirina hevpar difikirin.
Ji sala 1988’an vir ve 139 ji 193 endamên Neteweyên Yekbûyî dewleta Filistînê nas kirine.
Çend dewletên Ewropî dê 21 Gulanê dewleta Filistînê nas bikin
