Hêzên Piştgiriya Bilez di nava 24 saetan de êrîşî bajarokê Et-Tekînê ya li parêzgeha Cezîrê kir.
Di encama êrîşê de 10 kes hatin kuştin û dehan kes jî birîndar bûne.
Her wiha Hêzên Piştgiriya Bilez artêşa Sûdanê bi bombebarankirin û hilweşandina Parzûngeha Neftê ya El Jilî ya li bakurê Xartûm sûcdar kir.
Hêzên Piştgiriya Bilez di nava 24 saetan de êrîşî bajarokê et-Tekînê ya li parêzgeha Cezîrê kir.
Di encama êrîşê de 10 kes hatin kuştin û dehan kes jî birîndar bûne.
Li gorî agahiyên ji çavkaniyên herêmî hatin girtin, komek ji Hêzên Piştgiriya Lezgîn bi armanca talankirinê êrîşî bajarok kirin.
Lê niştecihan bi çek û daran li ber xwe dan û neçar man ku paşde vekişin.
Li gorî çavkaniyan êrîşa li bajarê biçûk 10 ciwanan jiyana xwe ji dest dan û gelek kes jî bi guleyan birîndar bûn.
Çavkaniyan agahî parve kirin ku “Balafirên şer ên artêşa Sûdanê paşê mudaxeleyî bûyerê kirin.
Di êrîşê de 10 kes hatin kuştin
Her wiha li dijî endamên Hêzên Piştgiriya Bilez yên ji gund vekişiyan êrîşeke hewayî pêk anîn û di encamê de derbeyên giran xwarin û hin wesayîtên ku bi kar dianîn îmha kirin.
ŞAhidên bajêr diyarkirin ku Hêzên Piştgiriya Bilez duh bi hêzeke mezin bi dehan wesayitên leşkerî yên bi çekên doçka û fîşekên Doçka ve êrîş dubare kir.
Li gorî zanyariyan, duh serê sibê gelek jin, zarok û kal û pîr ber bi herêmên ewle li rojhilatê parêzgeha Cezîrê ve hatin veguhestin.
Ji ber nebûna peywendiya telefonî li bajarok, çavkaniyên xwecihî nikarin bigihîjin hejmara rastîn a kuştiyan.
Di heman demê de çalakvan li ser platformên medyaya civakî behsa hejmareke zêde ya kuştiyan dikin.
Piştgiriya Bilez: Artêş Parzûngeha Neftê bombebaran kir
Li aliyê din Hêzên Piştgiriya Bilez artêşa Sûdanê bi bombebarankirin û hilweşandina Parzûngeha Neftê ya El Jilî ya li bakurê Xartûm sûcdar kir.
Hêzên Piştgiriya Bilez di daxuyaniya xwe de diyar kir ku ji ber bombebaranê ziyaneke cidî gihandiye boriyên nefta xam û gelek dezgehên di nava parzûngehê de şewitîn û wêran bûn.
