Li bajarokê Sifêra yê Dêrazorê Mîhrîcana Yekemîn a Şehîd Hemze dest pê kir.
Mîhrîcan li bajarokê Sifêra hate destpêkirin. Di mîhrîcanê de tîm ji tevahî herêmên Dêrazrê yên şano, dîlan, futbol, volîbol û şatranc beşdarî çalakiyan bûn.
Di mihrîcanê de nûnerên saziyên Rêveberiya Xweser, meclisên leşkerî, rêxstinên civaka sivîl, partiyên siyasî, ciwan, tevî bi sedan şêniyên Dêrazorê amade bûn.
Li ser navê Meclisa Herêma Rojava ya Gundewarê Dêrazorê Ebdulxaleq El-Cezab axivî û di kesayeta şehîd Hemze de hemû şehîdên azadiyê bi bîr anîn û soza şopandina xeta şehîdan da.
El-Cezab kiryarên dagirkeriya Tirk ên li dijî herêmê Bakur û Rojhilatê Sûriyê jî şermezar kirin.
Paşê Koma Nesayîm El-Furat a girêdayî çand û hunerê ya gundewarê rojava yê Dêrazorê û koma dîlanên gelêrî ya Tevgera Ciwanan a gundewarê rojava hunerên xwe pêşkêş kirin.
