Belarusê bi hinceta ku helîkoptera leşkerî ya Ukraynayê qada hewayî ya wan derbas kiriye, ew vexwendine wezaretê û hişyar kirine.
Ûkrayna jî îdiayên Belarûsê red dike.
Wezareta Parastinê ya Belarûsê ragihand ku wan Atîşeyê Leşkerî yê Balyozxaneya Mînskê ya Ûkraynayê vexwendiye Wezareta Hevkariya Navneteweyî ya Wezareta Parastinê ya Belarûsê û ew hişyar kiriye.
Di daxuyaniya ku ji aliyê wezaretê ve hat dayîn de hat diyarkirin ku bi hinceta helîkoptera leşkerî ya bi tîpa Mi-8 a Ûkraynayê duh li nêzî Nowa Rudnyayê kîlometreyek qada hewayî ya Belarûsê derbas kiriye, ew hatiye hişyarkirin.
Kîevê jî daxuyaniyên Minskê redkir û got:
“Aliyê Ukraynayê gelek caran diyar kiriye ku ew ê ji bo xurtkirina sînorê xwe balafir û balafirên bêmirov jî di nav de bi kar bîne.
Ti binpêkirinek sînor pêknehatiye.”
Rûsya û Hindistanê di warê hevkariya leşkerî û teknîkî de lihev kirin
Di navbera Rûsya û Hîndîstanê de peymana hevkariya leşkerî û teknîkî ya di navbera 2021-2030 de hat îmzekirin.
Wezareta Parastinê ya Rûsyayê ragihand ku Moskow û Delhiya Nû li ser hevkariya leşkerî û teknîkî ya 10 salên bê li hev kirine.
Di peymanê de hevkariya di navbera hêzên leşkerî yên welatan li ser dabînkirin û pêşxistina çek û kelûpelên leşkerî cih digre.
